Kufuma 32:16 - Amazwi Yakwe Leza 2013

¹⁶ Uwapanzile amawe yaa a Leza umwisikulu nu kulembapo amasunde mu musango wa kufukula.

Kufuma 32:16 ပူးပေါင်းရင်းမြစ်များ

Yobo 19:24

Nupya ndi cali cakuti yalemvilwe uku cilembelo ca cela apa ciliwe, apakuti yace yasyalilile umuyayaya.

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Kufuma 32:15

Mose aika ku mwamba aswilila ala asenzile vipampa vya mawe yaili apalemvilwe amasunde mbali zyonsi zyoili.

Kufuma 32:17

Lyene Yoswa auvwa antu yakupunda, nga anena Mose ati, “Natinuvwa congo ca nkondo kuko ku nsakwe.”

Kufuma 34:1

Yawe nupya anena Mose ati, “Waza vipampa vya mawe yauze yaili wakwe yalya yaili akutandika nga nani ndalembapo amazwi yano yali pa vipampa vya mawe akutandika, vino watamile.

Kufuma 34:4

Caleka Mose awaza vipampa vya mawe yauze yaili wakwe yalya akutandika. Lyene lino waca katondo, Mose aya akwela Mwamba wa Sinai, wakwe vino Yawe wamupeezile ilamulo. Katondotondo Mose alavya vipampa vya mawe viwaze viili.

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

2 Kolinto 3:7

Masunde yalemvilwe pa vipampa vya mawe, nga lulumbi lwakwe Leza lwalolike lino yapilwe kuli Mose. Masunde yalenzile cinso cakwe Mose kuyengesa cuze cakuti aina Izlaeli yaposiwe kulolekesya penepo, nanti angala kuyengesa kwali mu kuzima. Ndi Masunde yano yakaleta imfwa, yapilwe nu lulumbi lwa musango uu,

Malango 10:1

“Lyene Yawe anena ati, ‘Kapate vipampa vya mawe yaili akoline na yaya kwene ankolelo nga upange ni Mbokosi ya mbao iya kwikamo vipampa vya mawe kwene yayo. Alino lyene wize ukwele kunondi pa mwamba,

Malango 9:15

“Acino nasenwike nu kutentemuka umwamba lino ucili pa moto, nga ni vipampa vya mawe ala vili mu makasa yane.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.