Kufuma 32:13 - Amazwi Yakwe Leza 2013

¹³ Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 32:13 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 15:5

Alino Yawe amufumya panzi, nga amunena ati, “Lingamila umwiyulu nga upende intanda, ndi ungazipenda. Vii avino ana yako yalavula wa ntanda.”

Utandiko 15:7

Lyene Yawe anena Abulamu ati, “Nene indi Yawe wino wakufumizye ku Uli mu mpanga ya ina Kalideya, kuti nkupele impanga ii iye iyakwako.”

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Utandiko 22:16

nga amunena ati, “Ivyalanda ne Yawe: Nalaya umwi zina lyane ukuti ndakupolelela cuze, pano wazumila ukupeela kunondi umwana wako umonsi ali sile wenga.

Utandiko 22:17

Nalaya ukuti ndakupeela ana avule cuze, nu kuvula kwao kulaya wa ntanda zya mwiyulu, nanti wa musensenga uwamu nkumba yakwe yemba. Ana yako yalacimvya anisi yao.

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Kufuma 13:11

“Yawe alalenga kuti mwingile mu mpanga ya Kenani ino walavile nu mulapo kunomuli nga nu ku vikolwe vinu. Lino alapeela mpanga ilya kunomuli,

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 33:1

Pacisila ca vintu vii Yawe anena Mose ati, “Ufume kuno pamwi na antu yano wizile nayo ukufuma ku Eguputo uye ku mpanga ino nalavile ukuti indapeela Abulaamu, Isaki na Yakobo. Pa nsita, kwene ilya nayanenyile antu yalya inti, Mpanga kwene ii indaipela ku amu mupanda wao.

Aina Levi 26:42

ndafikilizya cipangano cane cino nacisile kuli Yakobo, Isaki, na Abulaamu. Nupya ntalilila vino nalavile ukupeela impanga kunomuli.

Malango 1:10

Yawe Leza winu uwalenga kuti muvule wa ntanda umwiyulu.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 9:27

Iusya aomvi yako, Abulaamu, na Isaki, na Yakobo, nga nupya utasumba amano ku kutalama, nu ku ukakasi nga ni iifyo lya antu yaa.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.