Kufuma 32:10 - Amazwi Yakwe Leza 2013

¹⁰ Caleka ndakai utandesya kuti njonone, pamulandu wakuti nene musoke cuze, lyene wemo na amu mupanda wako ndalenga kuti muye luko lukulu.

Kufuma 32:10 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Masamu 106:23

Ali cino Leza walanzile ukuti wange ayonone, iciya cakuti Mose umusololwe wakwe atimilila inkolelo yakwe, nu kuyapapatila apakuti angawezya umwenzo, atayonona.

Kufuma 22:24

Nupya ndasoka nu kulenga kuti anisi inu yamukome mu nkondo. Aci inu yalaya yamukamfwilwa, na ana inu yalaya ana asyale.

Kufuma 32:11

Lelo Mose apapata kuli Yawe ati, “Mwe Yawe, pacani cino mwasokela antu inu musango uu, antu yano mwafumizye mu uzya mu Eguputo, ku maka inu akulu nu kwi kasa linu lya maka?

Kufuma 32:19

Lino Mose wafika pipi ni nsakwe nu kulola umwana wa ng'ombe nga na antu yakucina, asoka cuze cakuti asumba vipampa vya mawe vino vyali mu minwe yakwe vitamika. Cii cacitike mwisika ya mwamba.

Kufuma 33:3

Mukuya ku mpanga ivunde cuze. Lelo nemo ntakupita namwe pamulandu wakuti mwemwe antu akome myenzo cuze, nupya limwi ningamonona mu nzila.”

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 14:11

Lyene Yawe anena nupya ati, “Utakezye ukumpapata kuti nazwilizye antu yaa.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 7:16

Yawe avwanga kunondi ati, “We Yelemiya utezya ukupepela antu yaa nanti ukwezya ukuyalengela cimwi. Utezya kuyapapatila, pano ntaluvwa kunuli.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Mpendwa 14:12

Ala ndayaponyezya impungo nu kuyonona, lelo wemo ndakucita cikolwe ca mutundu umwi ukalamba, uwa maka ukuyaluta.”

Mpendwa 16:21

“Funtukini ku antu yaa pakuti njonone yonsi kwene lilyo kwene.”

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Malango 9:14

Utezya kundesya, pakuti lyene ningayonona kuti kutaya umwi uwakuiusya pano pansi nupya. Nga lyene wemo ndakucita ukuya uluko lukulu ulwa maka nu kuleka kuti musande ukuyaluta.’

Malango 9:19

Nemo nakweti intete zya pa ukali ukulu wakwe Yawe, pamulandu wakuti wene wasosile kulingana nu konona mwemwe. Lelo nupya kwene Yawe uvwile kupapata kwane.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.