Kufuma 30:7 - Amazwi Yakwe Leza 2013

⁷ Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

Kufuma 30:7 ပူးပေါင်းရင်းမြစ်များ

1 Milandu 23:13

Ana aonsi yakwe Amulamu yali a Aaloni na Mose. Aaloni pamwi na amu mupanda wakwe yayapaatwile kuti yaangalila ivintu vyamuzilo, na kuti yapeela impolelwa apa manso yakwe Yawe umuyayaya, nu kutumikila inkolelo yakwe Yawe nga nu kupolelela antu umwi zina lyakwe umuyayaya.

1 Milandu 6:34

Samueli wali umwana umonsi wakwe Elikana, umwana umonsi wakwe Yeloamu, umwana umonsi wakwe Eliyeli, umwana umonsi wakwe Toa,

2 Milandu 2:3

Solomoni alino atumila Hilamu umwene waku Tuli amazwi ati, “Nani kwene nkulonda uncitile vivi kwene vino wacitile tata Davidi. Wamutumile imilando ya mikelide kuti akuulile isano lyakwe.

2 Milandu 2:4

Nemo natinakuulila Yawe, Leza wane, Ng'anda ikulu yakumucindikila mwenemo, muno antu yakwe pamwi nani kwene tulamucindikila mwenemo. Ali muno tulamufutumwila ubani wa mununko usuma. Alino nupya apa manso yakwe umweneco ali pano manda yonsi tulapeela umukate wamuzilo na mawila yakoca akatondo na manguzi. Umu Masabata nu mu manda makulu, alulumbi, ndi vino apa Ndoleko ya Mwezi, amuno tulatuula vivyo, wakwe muno watuneniile swe ina Izlaeli ukulacita pe na pe.

2 Milandu 26:18

Lyene yasimapepo yayo apa kulesya umwene Uziya yamunena yati, “Cisi cisuma kuti we mwene Uziya waocela Yawe ubani. Lelo angacita cico a yasimapepo sile, amu mupanda wakwe Aloni, yano yapaatulwa kuti yaoca ubani. Fuma muno umwi taalu lyamuzilo, pasi pano watiwifya kuli Yawe, nga wene watafumya upolelelo wakwe pano uli.”

2 Milandu 29:7

Vyene vyayazile ni visasa vya Ng'anda ikulu yakwe Yawe nu kuzimya inyali. Nupya vitoosile ubani nanti ukupeela amawila yakoca ali yonsi mu Ng'anda ikulu yakwe Leza wa ina Izlaeli.

Masamu 141:2

Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Kufuma 30:34

Lyene Yawe anena Mose ati, “Tola vipimilo vilingane vya vintu vinunkile ningo wakwe vii: sitakate, onika, galibanumu, nu ubani wa mpomvu.

Kufuma 30:6

Kavuwa kako ukateke kunkolelo ya nsalu yakucingilikizya Mbokosi ya Upangano, pa nkolelo ya ntupiko ino ili papeela ya Mbokosi ya Upangano. Pa ncende kwene ii ali pano ndakomenkana nawe.

Kufuma 30:8

Lyene lino akukozya malampi yayo manguzi, nupya afutikila ubani. Vivyo kwene kuye kufutikila kwaula kuta pa manso yakwe Yawe mu mikulo inu yonsi.

Kufuma 40:27

nga yafutikila ubani wa cinunkilo cisuma pa kavuwa, wakwe vino Yawe wapeezile ilamulo.

Aina Levi 6:5

Pa wanda uno akupeela uwila wa cizumila mulandu alinzile awezezye umweneco vintu vyonsi vino watozile. Lyene aungilizyepo icintu conga pali cila visano.

Mpendwa 16:40

Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Mpendwa 7:56

Alino ni mbale yonga yakwe zaabu ino tungati yanyomile kota wenga wakwe kilogalamu, umwali ubani.

Luka 1:9

Wene wasolwilwe kupitila mu usilizi kuti aingile mu Ng'anda ikulu yakwe Leza nu koca ubani.

Milimo 6:4

Naswe, sweisikulu lyene, tumaipelesya ku kupepa nga nu mulimo wa kukosola.”

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.

1 Samueli 3:3

Walanga ilampi lyakwe Leza litacili lizime, nga Samueli ala alambalile pansi mwi taalu lyakwe Yawe, umu pipi ni Mbokosi ya Upangano yakwe Leza.