Kufuma 30:6 - Amazwi Yakwe Leza 2013

⁶ Kavuwa kako ukateke kunkolelo ya nsalu yakucingilikizya Mbokosi ya Upangano, pa nkolelo ya ntupiko ino ili papeela ya Mbokosi ya Upangano. Pa ncende kwene ii ali pano ndakomenkana nawe.

Kufuma 30:6 ပူးပေါင်းရင်းမြစ်များ

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

1 Milandu 28:11

Alino Davidi apeela Solomoni umwanakwe uwanziko wa Ng'anda iyo ikulu yakwe Yawe, ni vikulwa vyuze vyakweyo, ni miputule yakweyo yakusungilamo ivyuma, ni laali lyaiko, ni miputule yakweyo yamukasi nga ni ncende yakwelelapo amaifyo.

Mpendwa 17:4

Intuwa zizyo uziike mwi Taalu lya Ukongano, pa nkolelo ya Mbokosi ya Upangano, pano tukakomenkanila nawe.

Aina Levi 16:13

Lyene mumu kwene pa manso yakwe Yawe Aaloni alinzile kwika ubani pa moto. Lyene icunsi ca ubani cimalenga kuti Aaloni atalola intupiko ya Mbokosi ya Upangano, pano angafwa.

Kufuma 40:26

Mwi Taalu lya Ukongano aikamo kavuwa kakwe zaabu, ku nkolelo ya nsalu ya kucinga,

Kufuma 40:5

Lyene wike kavuwa kakwe zaabu ka kocelapo ubani ku nkolelo ya Mbokosi ya Upangano. Pa mulyango wi Taalu lyakwe Leza ukowekepo insalu zyakucingilikizya.

Kufuma 40:3

Mbokosi ya Upangano umuli amawe ya umboni uwike muno kwene, nupya Mbokosi ya Upangano iyo uivimbe ni nsalu pakuti uicingilile.

Kufuma 30:36

Usyute umwi, utonyole cuze, alino utapulepo umwi nu kwika ku nkolelo ya Mbokosi ya Upangano mwi Taalu lya Ukongano, lya kukomenkanilamo na antu yane. Ubani kwene uu, kunomuli uye uwamuzilo cuze.

Kufuma 30:5

Mipingilo kwene iyo uipange ku muti wa akasya, nupya uyengelele na zaabu.

Kufuma 30:7

Cila katondo konsi Aaloni afutikila ubani wa cinunkilo cisuma, nupya insita kwene iyo aateyanya malampi yaili.

1 Milandu 23:13

Ana aonsi yakwe Amulamu yali a Aaloni na Mose. Aaloni pamwi na amu mupanda wakwe yayapaatwile kuti yaangalila ivintu vyamuzilo, na kuti yapeela impolelwa apa manso yakwe Yawe umuyayaya, nu kutumikila inkolelo yakwe Yawe nga nu kupolelela antu umwi zina lyakwe umuyayaya.