Kufuma 3:8 - Amazwi Yakwe Leza 2013

⁸ Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 3:8 ပူးပေါင်းရင်းမြစ်များ

Utandiko 11:5

Lyene Yawe aika ukufuma kwiyulu kwizalola umusumba nu lupungu luno yakukuula,

Utandiko 11:7

Leka tuye pansi tukavulunganye ululimi lwao kuti yatauvwana.”

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Utandiko 15:14

Lelo nani ndavunuka umutundu ulayacuzya, na lino yalafuma mu mpanga ilya yalasenda vyuma vingi.

Utandiko 18:21

Ndinzile mfikeko nkailolele ndi cakuti vino antu yakuilizyanya ivyacumi nanti foo.”

Utandiko 43:11

Lyene isi ayanena ati, “Ndi cili vivyo, fwandi mulasi mumusendeleko vintu visuma vya muno mpanga mu masaka inu. Mukamupele wa mawila ya mulasi. Mumutwalile tumina twa muti, nu tuuci tunono, vyamununko usuma, mbalala, ni viseekwa ivyakolana na makole.

Utandiko 46:4

Nemo ndatentemukila ku Eguputo, nga nene kwene ndakuwezya pali pamwi nawe, nga na amu mupanda wako ndayawezya kuno mpanga kwene ii. Lino ulafwa Yosefu alakufunda.”

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

1 Milandu 1:15

Hivi, Aliki, Sini,

Neemiya 9:8

Wazanyile ukuti umwenzo wakwe uwakutontelela. Fwandi ali pakupangana nawe upangano wa kumupeela impanga yaku Kenani, impanga ya ina Hiti ni ya ina Amoli, ya aina Pelizi, ya ina Yebusi nga ni ya ina Giligasi, apakuti ingaya impanga yakwe ni ya luko lwakwe. Wemo ukawaka upangano wako, pano wewe wacumi.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 34:8

Muyuvwile mweisikulu mwenga usuma wakwe Yawe vino waya! Wasyuka wiyo akasimwilila kunoli.

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 12:51

Pa wanda kwene ulya Yawe aleka kuti aina Izlaeli yafume mu Eguputo ukulingana ni mitundu yao.

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 34:11

Mwayela amasunde yano nakupeela ilelo. Ndamuzingila aina Amoli, aina Kenani, aina Hiti, aina Pelizi, Hivi, nga na ina Yebusi lino mukuya kunoyali.

Kufuma 5:23

Pano ukufuma lino naile kuli Falao ku kumunena amazwi yako, Falao acili akucuzya antu yako. Lelo wemo utatala wacita nanti cimwi kuti uyakulule!”

Ezaya 36:17

Suka sile lilyo lino ndiza imusende nu kumutwala umu mpanga ino yaya wa mpanga inu, umwaya ivyalo vya matingi vyakupangila waini umupya, impanga umwaya ingano zyakupangila imikate.

Ezaya 64:1

We Yawe, uzye pacani cino utangalepula amayulu nu kwika pano nsi? Uzye pacani imyamba ikaizakazila pakulola wewe,

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 32:22

Nupya wayapile impanga ii ino walavile ku vikolwe vyao apakulapa umulapo, impanga muno mukavovomoka iziya nu uci.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Aina Levi 20:24

Lelo nalaya ukupeela mwemwe impanga iyi ziya nu uci kuti iye iyakwinu. Ndapeela impanga iyo kunomuli. Nene indi Yawe Leza winu. Namupaatula ukufuma mu nko zyonsi.

Amosi 2:10

“Mwe ina Izlaeli anene namufumizye mu mpanga ya Eguputo. Nene namutungulwile mu lwanga pa myaka amakumi yani, kuti imupele impanga ilya ya ina Amoli.

Mpendwa 13:18

Mucecete vino impanga ili. Mulole na antu akaikala mwenemo ndi cakuti akome nanti yasi yakome, ndi cakuti avule nanti acepe.

Mpendwa 13:19

Mulole impanga ino yakaikala mwenemo vino ili, ndi cakuti isuma nanti iipe. Ni misumba ino yakaikala mwenemo ndi ili pa mbiliwili nanti yazingulusya amalinga.

Mpendwa 13:27

Yasimikila Mose yati, “Twaile mu mpanga ino watutumile mwenemo, nga cumi cumi yene iya uzombozi cuze nupya yavunda. Lola, iviseekwa vimwi vya mwenemo aivi.

Yoane 3:13

Pasi umuntu watala wakwela kwiyulu, suka sile Mwana wa Muntu wino uwisile kufuma kwiyulu.”

Yoane 6:38

Pano nika kufuma kwiyulu asi kwiza cita kulonda kwane, lelo kulonda kwakwe wino uwantuma.

Malango 1:25

Yatuletela iviseekwa vimwi vino yazanyile kuku, nga yatunena ukuti impanga ino Yawe akutupela yavunda wakwe cimwi.

Malango 1:7

Pangululini insakwe zinu nga muye ku nkolelo. Yangini ku mpanga ya myamba iya ina Amoli nga nu ku ncende zyonsi izizingulwike lwaku Cifoloma ca Yodani, ku mpanga ya myamba nu ku mpanga zitambalale, lwaku kaeya, nga nu ku nkumba yakwe Yemba wa Adiliya. Yangini ku mpanga ya Kenani mupitilile kucila pa Myamba ya Lebanoni mufike nu ku luzi lukulu lwa Yufulate.

Malango 27:3

Lyene mukalembe penepo amasunde yaa yonsi na masambilizyo. Lino mwingila mu mpanga iya uzombozi ukulu cuze nupya iivunde ino Yawe Leza wa vikolwe vinu wamulavile,

Malango 28:11

Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Malango 6:3

Uvwikisini, mwe ina Izlaeli, nu kuyela amasunde! Ndi caya vivyo mulalola ukuti ivintu vyonsi vimamuzipilanga, nupya mulasanduluka cuze nu kwikala mu mpanga iya uzombozi ukulu cuze nupya iivunde, ndi vino Yawe umwisikulu, Leza wa vikolwe vitu, walavile.

Malango 7:1

“Yawe Leza winu alamutwala mu mpanga ino mulapoka nu kwikala mwenemo, nga wene alazinga mwenemo inko zivule. Lino mukuya pa nkolelo, wene alazinga mwenemo inko cinimbali izikulu nupya izya maka ukuluta mwemwe. Inko zii izya ina Hiti, na ina Giligasi, na ina Amoli, na ina Kenani, na ina Pelizi na ina Hivi, nga na ina Yebusi.

Yoswa 5:6

Aina Izlaeli yazeulukanga mu lwanga imyaka amakumi yani suka aonsi yonsi ali vita mu luko iyafwa, yonsi afumile mu Eguputo yano yatayezile Yawe. Pano Yawe walafile kunoyali ukuti yatalatala yalole impanga ino wene walavile ivikolwe vyao ukuti alaipeela kunotuli, impanga ilya ikulu nupya ivunde cuze.

Yoswa 9:1

Lyene yamwene yonsi aikalanga ku uwondaka wa Luzi lwa Yodani yuvwa ivintu vii vyonsi, yano yonsi aikalanga mu mpanga ya myamba, nu mu misana ya twamba yaku uwondaka, nu mu nkumba yonsi yakwe Yemba wa Adiliya kufika na lwaku katutu ku Lebanoni, nga na yamwene ya ina Hiti, na ina Amoli, na ina Kenani, na ina Pelizi, na ina Hivi, nga na ina Yebusi

Yoswa 9:7

Aina Izlaeli iyanena aina Hivi yalya yati, “Limwi mwemo mukaikala mu pipi naswe. Ndi cakuti avino cili, uzye lyene tungacita uli cipangano namwe?”