Kufuma 3:7 - Amazwi Yakwe Leza 2013

⁷ Lyene Yawe avwanga ati, “Natindola kukalala kuno aina Eguputo yakucita pa antu yane. Natinuvwa inkuta ya antu yane kuti njatuule ukufuma mu makasa yakwe yakangalila yao akalale. Manyile kunyunguluka kwao konsi.

Kufuma 3:7 ပူးပေါင်းရင်းမြစ်များ

Utandiko 16:11

Nupya mungeli wilya amunena ati, “Watusenda indilwa nga ulavyala umwana umonsi, ulamutemela izina Isumeli, pamulandu wakuti Yawe watauvwa ukulilizika kwako.

Utandiko 18:21

Ndinzile mfikeko nkailolele ndi cakuti vino antu yakuilizyanya ivyacumi nanti foo.”

Utandiko 21:17

Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana.

Utandiko 29:32

Leya asenda indilwa nga avyala umwana umonsi. Avwanga ati, “Yawe watalola ucuzi wane, acino lyene uwane amantemwa. Acino atemela umwana izina ati a Lubeni.”

Utandiko 31:12

Nga avwanga ati, ‘Silola, yasawe yonsi akulondela zyakaci a mingololozi, a matonitoni, a maalamaala. Nene natindeka kuti avino cicitike pamulandu wakuti natindola vino Labani akucita kunuli.

Utandiko 31:42

Ndi Leza wakwe tata, Leza wakwe Abulaamu na Isaki atali nani, nga wanzinga mpita minwe. Lelo Leza walola ucuzi wane ni ntazi yapa ncito ino naomba. Caleka usiku wilelo wali wakuvunuka pa uyi wako.”

2 Samueli 22:28

Wemo ukatuula yao afuke, lelo ukapulumula antu yacilumba.

2 Yamwene 13:4

Lyene Yeowazi walenzile uwelelo kuli Yawe, nga Yawe nawe auvwa ukupapata kwakwe apakulola vino aina Asilya yazunya muno aina Izlaeli.

2 Yamwene 20:5

“Swilila ukamunene Hezekiya umwene wa antu yane uti, ‘Yawe, Leza wa cikolwe cako Davidi wavwanga ukuti natinuvwa ukupapata kwako, na minsozi yako natinjalola. Fwandi nemo namakupozya nu wanda uwalenga yatatu, ale wakwela kunondi, uku Ng'anda ikulu yakwe ne Yawe.

Neemiya 9:9

“Waweni intazi nu kucula kwa vikolwe vitu umu Eguputo. Wuvwile ni mpoma zyao, kuli Yemba Muyenzu.

Masamu 106:44

Lelo wene wayayelelanga ulanda, apakuvwa inkuuta yao.

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Masamu 145:19

Wene akapeela ivikalonda akamoopa, akauvwa ukukuuta kwao nu kuyatuula.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Masamu 34:4

Napefile kuli Yawe nawe wanjaswike, ampususya na kuli vyonsi ivya nsakamikanga.

Masamu 34:6

Umupina ndi akulila Yawe akamuvwa, nupya akamupususya nu ku macuzi yakwe yonsi.

Masamu 35:22

We Yawe, ukailolela vivyo vyonsi, ali cino fwandi, utezya usuleko. Nupya utantazyela musambazi, utantaluka foo.

Masamu 9:14

apakuti ningimilila inkolelo ya antu amu Yelusalemu nu kuyanena ivintu vyonsi vino nkakulumbanyizizyapo. Namazanga pano wemo wantuula.

Kufuma 1:11

Caleka umwene wilya ni nkombe zyakwe yika yakangalila akalale pa ina Izlaeli kuti yayapatikizya ukuomba imilimo ikome pakuti yayatonsye. Aina Izlaeli yakuula umusumba wa Pitomu nu musumba wa Lamesesi kuti iye imisumba yakwe Falao yakusungilamo ivyakulya.

Kufuma 1:8

Lyene umwene muze wino atamanyile nanti cimwi pali Yosefu, apyana atandika kuteeka mu Eguputo.

Kufuma 22:23

Ndi mwayacuzya, ne Yawe nduvwa kulila kwao kuti njazwe.

Kufuma 33:13

Acino ndakai nkukulenga kuti ndi ukazangila munondi undangilile nzila zyako pakuti ntwalilile kukutumikila nu kukuzanzya. Nupya iusya ukuti umutundu uu, wa antu wewe wausolola ukuya wakwako.”

Kufuma 5:10

Caleka yakangalila akalale aina Eguputo nga na yakapitao aina Izlaeli iyaya ku ina Izlaeli, nga yayanena yati, “Falao watavwanga ukuti atakutuma yamwi yamuletele insaawa.

Kufuma 5:6

Lyene uwanda kwene ulya umwene wilya apeela ilamulo kuli yakangalila akalale aina Eguputo na kuli yakapitao aina Izlaeli ati,

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Milimo 7:34

Nati ndola kucula kwa antu yane mu Eguputo. Nati nuvwa kulila kwao kwa kuilizyanya. Caleka nati niza kuti njakulule. Lyene iza, kuti nkutume ku Eguputo.’

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”