Kufuma 3:2 - Amazwi Yakwe Leza 2013

² Kuku kwene akuno mungeli wakwe Yawe aloleka kunoli wa cimbilimbili ca moto pakasi ka cimpuza. Mose alola ukuti cimpuza cikulunkuma, lelo icaula ukupya.

Kufuma 3:2 ပူးပေါင်းရင်းမြစ်များ

Utandiko 21:17

Leza auvwa umwana kuno akulila, nga mungeli wakwe Leza avwanga kuli Haga ukufuma kwiyulu ati, “Icani icakucuzya, we Haga? Utuvwa intete! Leza watauvwa kulila kwa mwana.

Utandiko 22:11

Lelo mungeli wakwe Yawe alaizya ukufuma umwiyulu ati, “Abulaamu, Abulaamu!” Nawe aasuka ati, “Anene mukwai.”

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Masamu 66:12

Wewe walesile na anisi itu yatulyatola apa mitwe. Swemo twapita umu manzi nu mu moto, wasuka pakusyalikizya watuleta mu cifulo ca vintu ivivule.

Kufuma 19:18

Mwamba wa Sinai onsi ala watiuvimbwa ni cunsi pamulandu wakuti Yawe ala wataika pansi mu moto pa mwamba papela. Icunsi ciya umwiyulu wa cunsi cino cikafuma mwi lungu, nu mwamba onsi iutenta na maka.

Kufuma 23:20

“Natinatuma mungeli wane inkolelo inu, pakuti amucingilile umu nzila nu kulenga kuti mufike ku cifulo cino namuteyanyizizya.

Kufuma 24:17

Ku ina Izlaeli uluswepo lwakwe Yawe iluloleka wa cimbilimbili ca moto icikwaka papela ya mwamba.

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Danieli 3:27

Lyene yakateeka yonsi, na alasi, na angalizi na yampandamano ya mwene yakongana kuti yalolekesye antu yaya yatatu, yano yatapiile nu moto ulya. Inyele zyao zitapiile, ni vizwalo vyao vitapiile, nayo yatanunsile icunsi.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Malaki 3:1

Yawe Wamaka yonsi wavwanga wati, “Lolini ndatuma inkombe yane, ino ilanteyanyizizya umwakupita. Lyene mu nsita ino mutenekile umwene wino mukalonda aliza ku Ng'anda yakwe ikulu. Inkombe ya upangano, ino mwalukisya ukulola, iliiza nu kukosola upangano wane.”

Mako 12:26

Pamulandu wakuzyukuka kwa afwe, uzye mutawelenga mu lupapulo lwakwe Mose pamulandu wa kupya kwa cimpuza? Muu, amuno calembwa ukuti Leza watile kuli Mose, ‘Nene Leza wakwe Abulaamu na wakwe Isaki na Yakobo.’

Luka 20:37

Na Mose kwene, mu mazwi alembwa pamulandu wa kupya kwa cimpuza, wasininkizye vino afwe yalazyukuka yaye nu umi, lino wamile Mwene ati, ‘Leza wakwe Abulaamu, na wakwe Isaki na Yakobo.’

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Malango 33:16

Si leka impanga yao izulemo ivintu vyonsi visuma, Ipolelelwe nu usuma wakwe Yawe, Wino uwavwanzile ukufuma mu cimpuza ica moto. Si leka upolelelo uu onsi upongolwelwe pa mutundu wakwe Yosefu, Pamulandu wakuti wene wali intunguluzi pa ina yakwe.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

2 Tesalonika 1:7

Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,

Yakapingula 13:13

Umungeli wakwe Yawe aasuka ati, “Umuci wako alinzile asininkizye ukuti wacita vyonsi vino namunenyile kucita.