Kufuma 3:18 - Amazwi Yakwe Leza 2013

¹⁸ “Intunguluzi zya ina Izlaeli zilatezya cino ulazinena. Lyene wewe pamwi ni ntunguluzi zya ina Izlaeli ulinzile ukupita ku mwene waku Eguputo ukamunene uti, ‘Yawe, Leza wa Ayebulai, wataisokolola kunotuli. Ndakai tuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu.’

Kufuma 3:18 ပူးပေါင်းရင်းမြစ်များ

Utandiko 12:1

Lyene Yawe anena Abulamu ati, “Fuma mu mpanga yakumwinu, usye akazi kako, na amu ng'anda yakwe so, upite uye ku mpanga ino namakulanga.

Utandiko 14:13

Lelo umuntu umwi uwapunsumwike aya anena Abulamu Muyebulai. Abulamu wikalanga pipi nu ku miti yamuzilo yakwe Mamule mwina Amoli. Mamule na Esyikoli nga na Anele yali aina, apangine kulemana na Abulamu ku vya nkondo.

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Utandiko 48:3

Yakobo anena Yosefu ati, “Leza Wamaka yonsi walolike kunondi lino wampolelile ku Luzi mu mpanga ya Kenani.

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

Masamu 110:3

Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Kufuma 17:5

Lyene Yawe anena Mose ati, “Tola intunguluzi zimwi zya ina Izlaeli, nga mukolelele antu yonsi. Pa kupita usende intuwa ino uumile pa manzi mu Luzi lwa Nailo.

Kufuma 19:1

Pa wanda wakutandika uwa mwezi wakwe citatu ukufuma lino aina Izlaeli yafumile mu Eguputo, aina Izlaeli iyafika ku Lwanga lwa Sinai.

Kufuma 25:22

Ndakomenkana nawe kuku kwene, nupya papela ya ntupiko, pakasi kakwe yakelubi, indakunena malamulo ya antu yane aina Izlaeli.

Kufuma 3:12

Lelo Leza amunena ati, “Ndaya nawe, nupya lino ulafumya antu mu Eguputo uliza umpepe pa mwamba kwene uu. Cico cilaya cisininkizyo cakuti nene nakutuma.”

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Kufuma 30:36

Usyute umwi, utonyole cuze, alino utapulepo umwi nu kwika ku nkolelo ya Mbokosi ya Upangano mwi Taalu lya Ukongano, lya kukomenkanilamo na antu yane. Ubani kwene uu, kunomuli uye uwamuzilo cuze.

Kufuma 30:6

Kavuwa kako ukateke kunkolelo ya nsalu yakucingilikizya Mbokosi ya Upangano, pa nkolelo ya ntupiko ino ili papeela ya Mbokosi ya Upangano. Pa ncende kwene ii ali pano ndakomenkana nawe.

Kufuma 4:1

Lyene Mose aasuka Yawe ati, “Nga ndi aina Izlaeli yatantaile, yakana nu kuvwa vino ndayanena, ndi yavwanga yati, ‘Yawe atalolike kunuli.’ Uzye ndacita cani?”

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 4:24

Pacisila cakwe vii, Yawe akomenkanya Mose pa cifulo pano yaizi uwanda onga lino yayanga ku Eguputo. Lyene Yawe alonda kuti akome Mose.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 5:1

Pacisila ca vintu vii, Mose na Aaloni yaya kwi sano kuli Falao nga yamunena yati, “Yawe, Leza wa ina Izlaeli, watavwanga ati, ‘Ta antu yane yapita, pakuti yangaya yakacite uzevyo wa cimulo ca kuncindika mu lwanga.’ ”

Kufuma 5:3

Lyene Mose na Aaloni yaasuka yati, “Leza wa Ayebulai umwisikulu wataloleka kunotuli. Wemo ule utuzumilizye kuti tupite ulwendo lwa manda yatatu mu lwanga kuti tukapeele impolelwa kuli Yawe, Leza witu. Ndi tutangacita vii, alatukoma ni mpungo nanti nu lupanga.”

Kufuma 7:16

Lyene uce unene Falao uti, ‘Yawe, Leza wa Ayebulai watantuma kuti nkunene ukuta antu yakwe yapita, pakuti yangaya yakamupepe mu lwanga. Lelo kufika na ndakai utasakamile kumuyela.

Kufuma 8:1

Nupya Yawe anena Mose ati, “Pita ukanene Falao uti, Yawe wavwanga wati, ‘Ta antu yane yapita, pakuti yangampepa.

Kufuma 8:20

Nupya Yawe anena Mose ati, “Uce ulaye katondotondo, ukakomenkanye Falao lino akuya ku luzi umunene uti, Yawe wavwanga wati, ‘Ta antu yane yapita, pakuti yangampepa.

Kufuma 8:23

Ndalenga umanye ukuti pali upusano pa antu yane na antu yako. Cizungusyo cii cilacitika mutondo.’ ”

Kufuma 9:1

Lyene Yawe anena Mose ati, “Pita ukanene Falao uti Yawe, Leza wa Ayebulai wavwanga wati, ‘Ta antu yane yapita, pakuti yangampepa.

Kufuma 9:13

Nupya Yawe anena Mose ati, “Mutondo katondotondo ukalolane na Falao nga umutekezye umwenzo umunene uti Yawe Leza wa Ayebulai wavwanga wati, ‘Ta antu yane yapite, pakuti yangampepa.

Ezaya 64:5

Wemo ukatungulula yano yakacita vyaololoke nu kwiusya inzila zyako. Lelo kwene wasokanga lino twifyanga nu kukutalamila apa nsita ntali.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Yelemiya 26:5

nu kusumba amano ku mazwi ya aomvi yane yakasema yano nsi tonta ukumutumila. Lelo mwemo musitala muvwa vino yakumunena.

Mpendwa 17:4

Intuwa zizyo uziike mwi Taalu lya Ukongano, pa nkolelo ya Mbokosi ya Upangano, pano tukakomenkanila nawe.

Yoswa 1:17

Tumakuyelanga wakwe vino twayelanga Mose lyonsi. Nupya Yawe Leza angaya nawe pee wakwe vino wali na Mose!