Kufuma 3:15 - Amazwi Yakwe Leza 2013

¹⁵ Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Kufuma 3:15 ပူးပေါင်းရင်းမြစ်များ

Utandiko 24:12

Alino apepa ati, “We Yawe, Leza wakwe Abulaamu umusambazi wane, ilelo fikilizya ulayo wako ku musambazi wane.

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.

1 Milandu 29:18

We Yawe, Leza wakwe Abulaamu, Isaki na Izlaeli, si ule walukwika umuzonda uu mu myenzo ya antu yako, nga yaye nu mwenzo wakukuyela mpaka umuyayaya.

2 Milandu 28:9

Lelo kuku kwene kwali kasema wakwe Yawe wino izina lyakwe a Odedi. Wene waile kuku pakuti akomenkane ni mpuka ya vita ino yizile ku kulwa inkondo apa nsita ino vikuswilila ku Samaliya. Anena antu yalya ati, “Yawe, Leza wa vikolwe vinu wamupile ucimvyo pa antu aku Yuda, pamulandu wakuti wene wayasokile. Lelo wene kuku ukwiyulu watalola vino mwatimuyakomola mu ukali winu.

Masamu 102:12

Lelo kwene we Yawe, awewe ukateeka pee, ni nkulo zyonsi zilakwiusya.

Masamu 102:13

Katuka fwandi, nduyele Zioni uluse, insita lyene yatifika ino ungamuyelela uluse. Ikwene ili nsita ilingine!

Masamu 135:13

Izina lyako, we Yawe ilya muyayaya. Inkulo zyonsi zilakwiusya.

Masamu 30:4

Lumbanyini Yawe umu nyimbo, mwe muno mwamutemwa. Iusini ivicitwa vyakwe wiyo Uwamuzilo, nu kumutaizya.

Masamu 30:5

Pano ukali wakwe uwapa kasita sile akanono. Uluse lwakwe lwene ulwa muyayaya. Amanguzi uli na minsozi, lelo akatondo upunda nu luzango.

Masamu 68:5

Leza, wiyo akaikala umwi sano lyakwe ilyamuzilo, ali wino akasunga ana asyale, nu kuvwangila yamukamfwilwa.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Kufuma 15:2

Yawe akalenga kuti inje na maka, ali wino wampususya ku anisi yane. Wene ali Leza wane, wino namalumbanyanga, Leza wino tata wapepanga, nupya namamucindikanga.

Kufuma 15:3

Yawe akoline ni cita, izina lyakwe a Yawe.

Kufuma 3:13

Lelo Mose anena Leza ati, “Ndi naya ku ina Izlaeli nu kuyanena inti, ‘Leza wa vikolwe vinu watantuma kunomuli,’ nayo yalanguzya yati, ‘Uzye izina lyakwe aweni?’ Uzye lyene ndayanena ntuuli?”

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 4:1

Lyene Mose aasuka Yawe ati, “Nga ndi aina Izlaeli yatantaile, yakana nu kuvwa vino ndayanena, ndi yavwanga yati, ‘Yawe atalolike kunuli.’ Uzye ndacita cani?”

Kufuma 4:5

Alino Yawe anena Mose ati, “Ukacite cii kuti aina Izlaeli yakasininkizye ukuti Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo wataloleka kunuli.”

Kufuma 6:2

Leza avwanga kuli Mose, amunena ati, “Nene Yawe.

Mapinda 18:10

Izina lyakwe Yawe ulupungu ulukome. Umuntu akacita vyaololoke akautukilamo nu kucingililwa.

Ezaya 26:8

We Yawe, awewe twatailanga umu nzila ya upinguzi wako kwene. Izina lyako nu kukwiusya, ali vino umwenzo wane ukakumbwa sile.

Ezaya 42:8

Nene indi Yawe, lilyo lili zina lyane. Ntalapa ululumbi lwane kuli wiyo ali wensi. Ukulumbanyiziwa ukulinzile nene, ntalazumilizya kuti kupelwe nu ku tuluwi.

Ezaya 63:12

Aukwi ukwaya Yawe uwaomvyanga amaka yakwe nu kuleka ukuti Mose acite ivintu vyakuzunguka, ivyakupandula Yemba apakasi pakuti antu yakwe yapite, nga nu kuleka ukuti Yawe alumbuke amanda pe?”

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 33:2

“Yawe wino waumvile insi nu kuimumunga, nu kuiteka pano ikala, wamunena wati wiyo wino akaamwa izina lyakuti Yawe, wavwanga wati,

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Oseya 12:5

Wikwene ali Yawe, Leza Wamaka yonsi. Izina lyakwe lya kumupepelamo a Yawe.

Oseya 12:6

Lelo mwe amu mupanda wakwe Yakobo, sintililini muli Leza nu kuwela kunoli. Mwatemwana nu kucita vya ulungi, muye acumi kunoli nu kuteeka imyenzo insita zyonsi.

Aina Levi 24:11

Monsi wii, wino nyina wali mwina Izlaeli, lino yakulwa nu mwina Izlaeli asaalula izina lyakwe Leza, nu kulitipwila. Caleka yamutwala kuli Mose. Nyina wali a Syelomiti, umwana umwanaci wakwe Dibili uwamu mutundu wakwe Dani.

Mika 4:5

Antu amu nko zyonsi yakapepa nu kuyela leza wao, lelo swemo tumapepanga nu kuyela Yawe, Leza witu mpaka umuyayaya.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Milimo 7:32

‘Nene Leza wa vikolwe vyako, Leza wakwe Abulaamu, Isaki, na Yakobo.’ Mose auvwa intete azakaza, nga ataposizye kuti alolekesye.

Malango 1:11

Si Yawe, Leza wa vikolwe vinu, aleke muvulileko amaila izimbi nu kumipolelela wakwe vino walavile!

Malango 1:35

‘Kusi nanti wenga uwamu mukulo uu uwipe alingila mu mpanga ivunde ino nalavile ukupeela ku vikolwe vinu.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.