Kufuma 3:14 - Amazwi Yakwe Leza 2013

¹⁴ Leza anena Mose ati, “Naya vino naya. Ulinzile ukuyanena uti, ‘Wino akaamwa ukuti Naya vino naya, uwatantuma kunomuli.’ ”

Kufuma 3:14 ပူးပေါင်းရင်းမြစ်များ

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Masamu 68:4

Imbilini Leza inyimbo zyakumuwanzya, lumbanyini wiyo akapitila umu makumbi. Izina lyakwe a Yawe, zangangini apa cinso cakwe!

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Kufuma 15:3

Yawe akoline ni cita, izina lyakwe a Yawe.

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Kufuma 3:13

Lelo Mose anena Leza ati, “Ndi naya ku ina Izlaeli nu kuyanena inti, ‘Leza wa vikolwe vinu watantuma kunomuli,’ nayo yalanguzya yati, ‘Uzye izina lyakwe aweni?’ Uzye lyene ndayanena ntuuli?”

Kufuma 6:2

Leza avwanga kuli Mose, amunena ati, “Nene Yawe.

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Ezaya 42:8

Nene indi Yawe, lilyo lili zina lyane. Ntalapa ululumbi lwane kuli wiyo ali wensi. Ukulumbanyiziwa ukulinzile nene, ntalazumilizya kuti kupelwe nu ku tuluwi.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Mateo 18:20

Pano kuno antu yaili nanti yatatu yakongana mwi zina lyane, nani ndaya nao.”

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yoane 8:24

Acino nali namunena vino mulafwila mu maifyo inu. Pano ndi mutataile vino nene ali nene kwene, mulafwila mu maifyo inu.”

Yoane 8:28

Caleka Yesu ayanena ati, “Alala mwatumpula Mwana wa Muntu, lyene mulamanya vino ‘Nene ali nene kwene.’ Alino mulamanya vino nsyaicitila cimwi nenga, lelo nkavwanga sile vino Tata wanena kuti mvwange.

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

2 Kolinto 1:20

Klistu akati, “Ee” ku malayo yakwe Leza onsi. Uli mulandu uno tukavwangila muli Klistu Yesu tuti “Ameni” apa kulumbanya Leza.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”