Kufuma 3:10 - Amazwi Yakwe Leza 2013

¹⁰ Ndakai nakutuma kuti uye kuli Falao ku Eguputo pakuti ukatungulule antu yane, uyafumye mu Eguputo.”

Kufuma 3:10 ပူးပေါင်းရင်းမြစ်များ

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Utandiko 15:14

Lelo nani ndavunuka umutundu ulayacuzya, na lino yalafuma mu mpanga ilya yalasenda vyuma vingi.

Masamu 105:26

Watumile Mose umuomvi wakwe pamwi na Aloni, yano wasolwile umweneco.

Masamu 77:20

Endi mwandi, avino watungulwile antu yako wakwe kacema wa mfwele, pamwi ni ntunguluzi zyao, Mose na Aaloni.

Kufuma 12:40

Aina Izlaeli yatenzi mu Eguputo imyaka 430.

Kufuma 12:41

Pa wanda uno imyaka 430 yasizile, ukufuma lino aina Izlaeli ingile mu Eguputo, imitundu yonsi ya antu yakwe Yawe ifuma mu Eguputo.

Kufuma 33:12

Mose anena Yawe ati, “Lyonsi ukanena kuti ntungulule antu yaa ku mpanga ilya, lelo utanena wino ulatuma kuti mpite nawe. Lelo nupya watuvwanga uti, ‘Nakumanya ningo, nupya ukazangila munondi.’

Kufuma 33:13

Acino ndakai nkukulenga kuti ndi ukazangila munondi undangilile nzila zyako pakuti ntwalilile kukutumikila nu kukuzanzya. Nupya iusya ukuti umutundu uu, wa antu wewe wausolola ukuya wakwako.”

Kufuma 6:26

Aaloni na Mose ali yano Yawe wavwanzile kunoyali ati, “Katungululini aina Izlaeli ukufuma mu Eguputo ukulingana ni mitundu yao.”

Oseya 12:13

Apa kufumya aina Izlaeli mu Eguputo Yawe waomvizye kasema. Nga wayasunganga kupitila muli kasema kwene wiyo.

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Milimo 7:34

Nati ndola kucula kwa antu yane mu Eguputo. Nati nuvwa kulila kwao kwa kuilizyanya. Caleka nati niza kuti njakulule. Lyene iza, kuti nkutume ku Eguputo.’

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

Milimo 7:6

Vii avino Leza wavwanzile kunoli ati, ‘Amu mupanda wako yalikala mu mpanga ya inamasi, kuno yalaya azya, nu kuzunyiwa myaka imyanda ini.

Milimo 7:7

Lelo ndaleta upinguzi pa antu yano yalaombela, na pacisila cakwe cii yalafuma mu mpanga ilya nu kumpepa mu cifulo cii.’

Yakapingula 6:14

Lyene Yawe amupeela ilamulo ati, “Katuka, pitanga na maka yako yonsi nga ukakulule aina Izlaeli ku ina Midyani. Nene nakutuma nemwisikulu.”

1 Samueli 12:6

Lyene Samueli anena antu ati, “Yawe umwisikulu aliwe wasolwile Mose na Aaloni nga afumya ivikolwe vinu mu mpanga ya Eguputo.

1 Samueli 12:8

Lino Yakobo na ana yakwe yatentemukile ku Eguputo, yene yalilile kuli Yawe kuti ayazwilizye, nga Yawe pali pakutuma Mose na Aloni, yao ayafumizye mu mpanga ya Eguputo iyayaleta yikala mu ncende ii.