Kufuma 28:9 - Amazwi Yakwe Leza 2013

⁹ Uleke yatole amawe yaili ya onikisi alino yalembepo mazina ya ana yakwe Izlaeli.

Kufuma 28:9 ပူးပေါင်းရင်းမြစ်များ

Utandiko 2:12

Zaabu wa kweneko umuswefiwe, nga kwaya vyamununko usuma visilolekaloleka nga na mawe ya onikisi.

1 Milandu 29:2

Nemo napeela consi icingapelwa apa kuteyanya vyonsi ivyakuomvya apa kukuula Ng'anda ikulu yakwe Leza, zaabu wakupangila iviya vyakwe zaabu, siluva wakupangila iviya vyakwe siluva, umukuwa wakupangila iviya vya mukuwa, ivyela ivya kupangila iviya vya vyela nga ni mbao zyakupangila iviya vya mbao, nga na mawe yamutengo amusango wakwe onikisi, daimondi, akupangila ivintu vyamutengo, na mawe ya malangi ya misango yonsi, ni misango yonsi yuze ya mawe kumwi na mawe yano yakati malabulo. Vyonsi vii vyali anyanya.

2 Milandu 2:7

Lyene nkukulenga kuti uce untumile kweneko umuntu uwamanya ukulemba ivilembo wakwe vivi vino antu yakalemba apa nsimbi zya vyela. Utume umuntu uwamanya ukuomvya zaabu na siluva, umukuwa ni vyela vyuze. Wiyo uwamanya ukupikula insalu zya usavu nu kuzisenula mwi langi lya cifungo, ni ziyenzulukile, ni ziyenzu. Aliza aombele pamwi na yafundi yamuno umu mpanga ya Ayuda nu mu Yelusalemu, yano tata Davidi wasile wasonta.

Yobo 28:16

Amano yatangakalwa na zaabu waku Ofili, nanti nu tumawe twamutengo cuze, twakwe onikisi nanti twakwe safilo.

Kufuma 25:7

Nupya upokelele amawe ya onikisi nga ni viyembelo vyuze vyakwika pa cakuzwala cakwe Simapepo Mukulu cakwe efodi alino na pa cakuzwala ca pacisao.

Kufuma 28:10

Piwe lyonga ulembepo mazina mutanda alino na pi iwe lyuze ucite icili conga kwene. Ulembe mazina yayo kulingana muno yalondekana mu kuvyalwa kwao.

Kufuma 28:20

Pa mulongo wakwe cini paye amawe yakwe belulo, onikisi nga na yaspele, alino vyonsi vivyo viikwe mu vyakusimpamo vyakwe zaabu.

Kufuma 28:36

“Upange iciyembelo cakwe zaabu musuma cuze, ulembepo wakwe vino musyanyi akalemba pa vyela, amazwi yakuti ‘Camuzilo kuli Yawe.’

Kufuma 28:8

Nupya yalinzile kupikula musipi usaka usumililwe kunkolelo ya cakuzwala ca efodi pakuti ciloleke icintu conga. Musipi uwo, wa ciputulwa conga nao kwene uye wa nsalu yakwe zaabu, ya cifungo, uyenzu nga na yakwe bafuta mutelepe mupangwe ningo.

Kufuma 31:5

Nupya kuti amanye kuwaza amawe nu kuwaza imbao nu kuomba imilimo yonsi ya ufundi onsi.

Kufuma 39:13

Lyene pa mulongo wakwe cini yika amawe yakwe belulo, onikisi na yaspele. Amawe yaa yaika mu vyakwikamo vyakwe zaabu.

Kufuma 39:6

Lyene yateyanya amawe ya onikisi, nga yika amawe yaa mu vyakwikamo vyakwe zaabu. Alino yalemba wakwe vino yamusyanyi yakalemba pa mawe amutengo, yalemba ningo ningo mazina yonsi ya ana aonsi yakwe Izlaeli.

Lwimbo lwakwe Solomoni 8:6

Uwankunda nene nenga mpo, muze wene foo. Uwankumbatila nene nenga mpo, muze wene foo. Pano ulukundo lwakoma wa mfwa, ni nsuna yakoma wa mfwa kwene. Yene yaya wa mvumba ya moto, wa cimbilimbili icikulu.

Ezaya 49:16

Yelusalemu, ala nemo ntange nkwilile foo, pano nemo nakulemba nu mu ndupi zyane. Iviumba vyako nkuvilola insita zyonsi.

Ezekelo 28:13

Wikalanga mu Edeni, mu calo cakwe Leza, wazwalanga tumawe tukankala twa misango yonsi. Utuli wakwe lubi, topazi, emalodi, belulo, onikisi, yaspele, safilo, na daimondi. Tuto tonsi awewe twapangilwe uwanda uno waumvilwe.

Zakaliya 9:16

Lino uwanda uo ulafikila, Yawe alapususya antu yakwe, ndi vino kacema akapususya imfwele zyakwe. Nayo yalaengesa mu mpanga yakwe, wa tumawe twamutengo utukayengesa mu ngala ya wene.