Kufuma 28:4 - Amazwi Yakwe Leza 2013

⁴ Vyakuzwala vino yali nu kusuma aivi. Cakuzwala ca pacisao, cakuzwala ca efodi, mwingila, ikoti lyapetwa mumbali ningo, tulibani wakuzwala ku mutwe nga nu musipi wa nsalu. Yasume vyakuzwala vya usimapepo vya munyonko Aaloni nga ni vya ana yakwe, pakuti yangatumikila wakwe yasimapepo.

Kufuma 28:4 ပူးပေါင်းရင်းမြစ်များ

2 Samueli 6:14

Davidi wazwite cakuzwala ca efodi icapangilwa ku nsalu itelepelele umu musana, nga acina apapezile amazya yakwe yonsi kuti acindike Yawe.

Kufuma 25:7

Nupya upokelele amawe ya onikisi nga ni viyembelo vyuze vyakwika pa cakuzwala cakwe Simapepo Mukulu cakwe efodi alino na pa cakuzwala ca pacisao.

Kufuma 29:6

Umuzwike tulibani ku mutwe, nga ni ciyembelo camuzilo pali tulibani.

Kufuma 39:28

alino yayapangile na tulibani ni cisote ca ucindami na yakaputula, vyonsi vivyo vyapanzilwe ni nsalu yakwe bafuta mutelepe nupya mupangwe ningo.

Ezaya 11:5

Uwololoke ulaya wa musipi wakwe, nga ukutailwa kulaya wa canamala cino alafyenta umu musana wakwe.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Efeso 6:14

Acino muye aiteyanye! Lekini cumi ciye wa musipi unyepwe mu misana inu, nupya lekini wololoke uye wa cela ca kucinga visao vinu.

1 Tesalonika 5:8

Lelo swemo sweswe antu amu luswepo, nupya tutalinzile kukoleka. Tulinzile kukwata utailo nu kutemwa kuno kukoline wa cela ca kucingilila cisao. Alino upaalilo witu uwa kutuulwa nao ulinzile kukolana wa cimpompo.

Umbwilo 9:17

Mu cilolwa cino nakweti naweni imfwalasi pamwi na yao akwezilepo, yene yazwite vicingo vya vyela pa vifuwa vyao vyalolike viyenze wa moto, vifitulukile wa mfisya nupya wa mitulwatulwa. Mitwe ya mfwalasi izikoline wa mitwe yakwe yacisama, nu mu milomo yaziko mwafumanga umoto, icunsi, na maluti.

1 Samueli 2:18

Lelo Samueli watwalilile ukutumikila Yawe, ala acili umulumendo sile nupya wazwalanga cakuzwala ca efodi icapangilwa ku nsalu itelepelele.

1 Samueli 22:18

Lyene umwene wilya apeela ilamulo kuli Doegi ati, “Senuka nu kukoma yasimapepo.” Acino Doegi umwina Edomu asenuka nu kukoma yasimapepo. Nu wanda ulya kwene wene wakomile aonsi amakumi cinani na yasano, yao azwalanga cakuzwala ca efodi icapangilwa ni nsalu itelepelele.

1 Samueli 23:6

Lino Abyata umwana wakwe Aimeleki utwike aya auminkana na Davidi ku Keila, wene wasenzile ni cakuzwala ca efodi.

1 Samueli 30:7

Alino Davidi anena simapepo Abyata umwana wakwe Aimeleki ati, “Ndetele cakuzwala ca efodi.” Abyata nawe amuletela icakuzwala cici.