Kufuma 27:3 - Amazwi Yakwe Leza 2013

³ Upange viya vyakuomvya pa kavuwa, ukuli kuti yapani yakuponelamo itwi, yafosyolo, ingeso zya kukanyizizya, yafoloko akulu, alino na malwangayo yakusendelamo itwi. Viya vyonsi ivya kavuwa viye vya mukuwa.

Kufuma 27:3 ပူးပေါင်းရင်းမြစ်များ

1 Yamwene 7:40

Nupya Hulamu apanga na beseni na yafosyolo ni ngeso zyakukanyizizya. Acino Hulamu amalila imilimo yonsi ino waombelanga umwene Solomoni mu Ng'anda ikulu yakwe Yawe:

1 Yamwene 7:45

Alino nupya ukupanga intendo, yafosyolo, ni mbakuli. Iviya vyonsi pyu vino Hulamu wapanzile vyali ivya mukuwa uswepe.

1 Yamwene 7:50

Wapanzile ni ngako zyakwe zaabu musuma cuze, ni vyakuzimizya inyali, ni ngeso zya kukanyizizya, ni mbale ni vifutikilo, alino ni vilemelo vyakulemela ivisasa vyamu Ncende Yamuzilo kuluta nga ni vya visasa vya muputule ukalamba wa Ng'anda ikulu yakwe Yawe. Vyonsi pyu vyapangilwe kuli zaabu.

2 Yamwene 25:14

Iyasenda yafosyolo yonsi ni viombelo vyonsi vino yaomvyanga apakuzyolela itwi apa kavuwa. Iyasenda nu tunkolonkolo tonsi tuno yaomvyanga apa kukozezya inyali, ni viya vino yatengelezyanga pa kuzwisya uwazi uku nyama zino yafyulanga pa kupeela impolelwa. Alino ni mbale zino yaomvyanga apa kocela ubani. Alino ni viya vyonsi ivya mukuwa vino yaomvyanga umu mulimo uwamu Ng'anda ikulu yakwe Yawe.

2 Yamwene 25:15

Musika mukulu uwa vita asenda ni vifutikilo ni mbale muno mwazwilanga uwazi uwa mpolelwa alino na vyonsi ivyapingilwa na zaabu na siluva.

1 Milandu 28:17

nu kunyoma kwakwe zaabu umuswefiwe wakupangila yafoloko, ingeso zyakukanyizizya ni ngako, nu kunyoma kwakwe zaabu wakupangila cila mbale yakwe zaabu, nu kunyoma kwakwe siluva wakupangila cila mbale yakwe siluva.

2 Milandu 4:11

Hulamu wapanzile ni ntendo, yafosyolo, ni ngeso zyakukanyizizya. Acino wene wamalilile imilimo yonsi ino umwene Solomoni wamunenyile ukuomba mu Ng'anda ikulu yakwe Yawe.

2 Milandu 4:16

Alino nu kupanga inyungu, yafosyolo na yafoloko. Fwandi Hulamu Abi wacenjile sana mu vyakupangapanga. Wene uwapanzile iviya vyonsi vyamutengo vyakwe zaabu nu mukuwa utuputupu, mu musango kwene uno Solomoni wamunenyile kuti avino aombe.

Kufuma 24:6

Mose atoola citika wa wazi awika mu ngeso, lyene uwazi wasyala asansa pa kavuwa.

Kufuma 27:19

Viya vyonsi vyakuomvya mu milimo ya mwi Taalu pamwi ni mpopo zya kwi Taalu nga ni mpopo zyonsi zyamu musolo vyonsi viye vya mukuwa.

Kufuma 27:2

Upange vikozile impembe papela ya matungi yani, vilundinkanyiziwe ku kavuwa, impembe na kavuwa viya icintu conga, alino kavuwa konsi yakengelele nu mukuwa.

Kufuma 27:4

Upange cililata ca mukuwa cipikule wi sumbo, nga ucipangilile ni mipeto ya mukuwa pa matungi yani yakweco.

Kufuma 38:3

Nupya viombelo vyonsi vya kavuwa yavipanga nu mukuwa, ukuli kuti vyakuponelamo itwi, yafosyolo, ingeso zya kukanyizizya, yafoloko akulu alino na malwangayo akupalilapo umoto.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Mpendwa 4:14

Lyene yalinzile kwikapo viombelo vyonsi ivyakuomvya pa kavuwa, vili wa malwangayo, yafoloko, yafosyolo ni ngeso zya kukanyizizya. Alino lyene yavimbilikizyepo impapa inyuke ningo nu kusomekamo mipingilo.