Kufuma 27:1 - Amazwi Yakwe Leza 2013

¹ “Upange kavuwa ka mbao zya muti wa akasya. Kaye kalingane mbali zyonsi zini. Mu utali wa kavuwa muye amamita 2 na masentimita 20. Mu wipi muye icili cimwi, amamita 2 na masentimita 20. Ciimo ciye mita wenga na masentimita 30 na mamilimita 7.

Kufuma 27:1 ပူးပေါင်းရင်းမြစ်များ

2 Samueli 24:18

Pa wanda ulya Gadi aya kuli Davidi nga amunena ati, “Tumbela uye ku lwano lwa kupuulila lwakwe Alauna umwina Yebusi ukakuulile Yawe kavuwa.”

2 Yamwene 16:14

Kavuwa akapangilwe Yawe, kene kali aka mukuwa, nga kayelile ulunga na pa manso yakwe Yawe, nako akafumya apa nkolelo ya Ng'anda ikulu yakwe Yawe. Alino akapalamika umupipi na kavuwa nupya uku lusansa lwi kasa limani.

1 Milandu 6:49

Lelo Aaloni na amu mupanda wakwe ali yano yafutumulanga ubani pamwi nu kupeela impolelwa pa ncende yapa kavuwa ka mawila yakoca. Ali yano yakweti sile insambu ya kupepela mu Ncende Yamuzilo kuluta pamwi nu kupeela impolelwa ya kwelela kwa maifyo ya ina Izlaeli. Vyonsi vivyo vyacitwanga ukulingana na masunde yano Yawe wapile Mose.

2 Milandu 4:1

Umwene Solomoni wapanzile kavuwa. Umu mbali zyonsi kavuwa kali amamita 9. Alino umu utali ukuya papela katalimfile amamita 4.

Ezila 3:2

Nga lino Yesyua umwana wakwe Yozadaki pamwi na yasimapepo yauze na Zelubabeli umwana wakwe Syeatieli nga na aomvi yauze iyatandika uku kuula kavuwa kakwe Leza wa ina Izlaeli apa kocela impolelwa ndi vino calembwa umu mpapulo zyakwe Mose umuntu wakwe Leza wilya.

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 31:9

kavuwa ka kupelelapo uwila wakoca pamwi ni viombelo vyakako, muyeza uwakufulalila pamwi ni citende cakwe,

Kufuma 35:16

Nupya yapange kavuwa ka kupelelapo uwila wakoca pamwi nu lwangayo lwa mukuwa lupikolezye, mipingilo ya kavuwa pamwi ni viombelo vyakako, muyeza uwakufulalila pamwi ni citende cakwe,

Kufuma 39:39

Yaleta na kavuwa ka mukuwa pamwi nu lwangayo lwa mukuwa lupikolezye, mipingilo pamwi ni viombelo vyonsi vyakako, na muyeza uwakufulalila pamwi ni citende cakwe.

Kufuma 40:10

Lyene nupya upaatule na kavuwa ka kupelelapo uwila wakoca pamwi ni viombelo vyonsi vyakako. Kavuwa kako kamaya akamuzilo.

Kufuma 40:29

Lyene aika kavuwa ka kupelelapo uwila wakoca pa mulyango wi Taalu lya Ukongano, nga apeelapo uwila wakoca nu wila wa cakulya, wakwe vino Yawe wapeezile ilamulo.

Kufuma 40:6

Wike kavuwa ka kupelelapo uwila wakoca pa mulyango ku nkolelo yi Taalu lya Ukongano.

Mpendwa 3:31

Umulimo wao wali uwa kuwaka Mbokosi ya Upangano, itebulo, ivyakutekapo inyali, utuvuwa, iviya vyamuzilo vino yasimapepo yakaomvya mu Ncende Yamuzilo, nga ni nsalu yakucingilikizya pa mulyango wa Ncende Yamuzilo kuluta. Yakwene yali nu kuwaka kutumikila konsi kukumile vintu vii.

Mpendwa 4:13

Yalinzile kuzyola nu kusisya itwi pa kavuwa ka mukuwa, alino yanzepo insalu yi langi liyenzulukile.

Mpendwa 4:14

Lyene yalinzile kwikapo viombelo vyonsi ivyakuomvya pa kavuwa, vili wa malwangayo, yafoloko, yafosyolo ni ngeso zya kukanyizizya. Alino lyene yavimbilikizyepo impapa inyuke ningo nu kusomekamo mipingilo.

Ayebulai 13:10

Swemo tukweti kavuwa pano yasimapepo akatumikila vya mwi taalu yatangalyapo.