Kufuma 26:32 - Amazwi Yakwe Leza 2013

³² Uikoweke pa ncesi zini zya muti wa akasya uipomele na zaabu, ale ili nu tukowelo twakwe zaabu ni vikalilo vini vyakwe siluva.

Kufuma 26:32 ပူးပေါင်းရင်းမြစ်များ

Esita 1:6

Umusolo onsi uwa mukasi kisano, yauyemvizye ni nsalu izitiswe ni zya cifungo. Yazinyepelelile ni myando uku ntambo izisuma iziyenzulukile. Yakulikila kweneko nu tumipeto twakwe siluva, tuno twali uku ncesi zya mawe atiswe nupya ayengese. Nga nupya umusolo kwene uwa walanga yaumilila nu tumawe ututiswe utuyengese. Kwali utumawe natuze utukoline wa lwili nga natuze utwa misango misango utwamutengo ukome. Nga ala yatiyateyanya nu kuluka ivilako ni vitala ivisuma ivyakulala nu kwikala penepo apa kulya. Ivintu vivyo vyali vyakwe zaabu na siluva.

Kufuma 25:5

Mikwela yakwe yasuuku ino yaombeka mu viyenzu, mikwela inyuke, imbao zya muti wa akasya,

Kufuma 26:31

“Upange insalu yakucingilikizya ya cifungo, iyenzulukile nga na wulu muyenzulukile. Alino pa nsalu iyo yapikule yakelubi.

Kufuma 26:33

Ukoweke insalu yakucingilikizya ku tukoweko alino kwi tundu ya nsalu yakucingilikizya wike Mbokosi ya Upangano mukasi ino ikweti vipampa vya mawe yaili. Insalu iyo yakucingilikizya ilapaatukanya Ncende Yamuzilo ni Ncende Yamuzilo kuluta.

Kufuma 26:37

Upange incesi zisano zya muti wa akasya zyakuti yakowekapo insalu yakucingilikizya. Zilinzile zipomelwe na zaabu, nupya tukowelo twaziko tuye twakwe zaabu. Alino upange vikalilo visano vya mukuwa vya ncesi kwene zizyo.”

Kufuma 36:38

Lyene yapanga incesi zisano yikako nu tukowelo twakukowela insalu ilya, lyene papela ya vimuti nga ni mpanda zyonsi yengelela na zaabu, lelo vikalilo vyakwezyo yapanzile vya mukuwa.