Kufuma 24:8 - Amazwi Yakwe Leza 2013

⁸ Lyene Mose atoola uwazi uwamu ngeso nga akanyila antu, alino avwanga ati, “Uwazi kwene uu, cili cisininkizyo ca upangano uno Yawe wapangana namwe pa kumupeela malamulo yaa.”

Kufuma 24:8 ပူးပေါင်းရင်းမြစ်များ

1 Yamwene 8:21

Alino nupya mu Ng'anda ikulu iyo, ali muno natinika ni Mbokosi ya Upangano muno muli na mawe yaili apapatale, amawe ya upangano uno Yawe yapangine ni vikolwe vitu, lino wavifumizye mu mpanga ya Eguputo.”

1 Yamwene 8:9

Mukasi ka Mbokosi ya Upangano mutali nanti cimwi ukuluta pa vipampa vya mawe viili vino Mose wisile mwenemo, ukufuma ku Mwamba wa Holebu, kuko kuno Yawe wapangine upangano na ina Izlaeli lino yafumile mu Eguputo.

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.

Kufuma 24:6

Mose atoola citika wa wazi awika mu ngeso, lyene uwazi wasyala asansa pa kavuwa.

Ezaya 52:15

Ali vino alalenga ukuti imitundu iingi izunguke, na yamwene kwene yatalalanda apakulola icata cakwe, apakulola cino citatazile cilandwapo, nanti ukulola cino citatazile cuvwike.”

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Aina Levi 8:30

Lyene Mose atoola amafuta yamwi akusolwela nu wazi umwi uwali pa kavuwa, alino asansa pali Aaloni na ana yakwe, nga na pa vyakuzwala vyao. Mu nzila kwene ii ayapaatwila kuli Yawe pamwi ni vyakuzwala vyao.

Hagai 2:5

Mutuvwa intete awe, pano umupasi wane uli pano muli kuti umwazwe muli vyonsi vino mukucita ndi vino nalavile lino namufumizye umu Eguputo.”

Zakaliya 9:11

Yawe wavwanga wati, “Pamulandu nu upangano uno napangine namwe uwamalilike ku wazi wa mpolelwa, nemo lyene namapususya antu inu mu uzya, namayafumya mu ciwina ca uzya, umutaya amanzi akumwa.

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Mako 14:24

Yesu avwanga ati, “Uu uwazi wane, uno Leza watamapo insimbi pa upangano, uno wapongololwa pamulandu wa antu aingi.

Luka 22:20

Mu musango uli onga kwene, lino yamala ukulya ayapeela lwako, avwanga ati, “Lwako luu ulwa upangano upya uno Leza watamapo insimbi nu wazi wane, uno wapongololwa pamulandu winu.”

1 Kolinto 11:25

Mu musango uli onga kwene, pacisila ca kulya cimulo atoola ulwako nga avwanga ati, “Lwako luu ulwa upangano upya uno Leza watamapo insimbi nu wazi wane. Lyonsi lino mukumwa mwacita cii pa kunjiusya.”

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Malango 5:2

Yawe Leza witu wapangine upangano naswe pa Mwamba wa Holebu.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

Ayebulai 13:20

Leza uwazyukwile Yesu Mwene witu kufuma ku mfwa. Yesu ali Mucemi Mukulu uwa mfwele pano imfwa ino wafwile pa kuipeela impolelwa ili ino wapangamo upangano namwe, wa manda pe.

Yoswa 24:25

Acino pa wanda ulya kwene Yoswa acitila antu upangano, nga kuku kwene ku Syekemu ayapeela vipope na masunde.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.