Kufuma 24:4 - Amazwi Yakwe Leza 2013

⁴ Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 24:4 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 28:18

Yakobo akatuka katondotondo. Atoola iwe lino wasamile, alimika nu kulicita ciusizyo. Lyene aitilapo na mafuta, alipaatula kuti liye lyamuzilo.

Utandiko 28:22

Iwe lii lya ciusizyo lino nimika paa, lilaya cifulo ca kukupepela penepo, nga ndakupeela icikumi muli vyonsi vino ulampa.”

Utandiko 31:45

Lyene Yakobo atoola iwe alimika kuti liye ilya ciusizyo.

1 Yamwene 11:30

Aiya ali pakuzula ilaya lipya lino wazwite nga alilepola mu tumpilinsya ikumi na twiili.

1 Yamwene 18:31

Wene atoola amawe ikumi na yaili ukulingana ni mitundu ikumi na iili ya amu mupanda wakwe Yakobo, umuntu wino Yawe watemile izina lyakuti Izlaeli.

Ezila 6:17

Apa kupaatwila ng'anda ii yakwe Leza, yafyuzile nu kupeela yacipambasi 100, ni mfwele 200, nu twana twa mfwele 400 utwakoca wa mpolelwa. Nga alino ukwika penepo na yasawe 12 akutuula wa mpolelwa yakupapatila ukwelela kwa maifyo kwa ina Izlaeli yonsi. Cila sawe ukwimilila cila mutundu apa mitundu ikumi na iili iya ina Izlaeli.

Neemiya 10:1

Atandikilepo ukufwatika insimbi u mulasi Neemiya, umwana umonsi wakwe Hakaliya, nga na Zedekiya,

Kufuma 17:14

Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Kufuma 21:1

Yawe anena Mose ati, “Londolwela aina Izlaeli amasunde yaa.

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Kufuma 28:21

Amawe kwene yaa yaye ikumi na yaili, kulingana na mazina ya mitundu ya ina Izlaeli. Amawe yalembwe wakwe vino musyanyi akalemba mazina pa mawe yamutengo ukulu. Iwe lyonsi liye ni zina lya mutundu onga.

Kufuma 34:27

Yawe anena Mose ati, “Lemba amazwi kwene yaa, pamulandu wakuti kulondela amazwi kwene yaa, kuli kucita upangano pakasi kane nawe nga na ina Izlaeli yonsi.”

Ezaya 19:19

Mu wanda ulya, apakasi ka mpanga ya Eguputo yalakuulila penepo Yawe Wamaka yonsi kavuwa. Alino muli yanande ya mpanga namo mulaya ulucesi longa ulwa mawe. Lulo aluno yalakuulila Yawe.

Aina Levi 24:5

“Mutole makilogalamu ikumi na yaili a usu utonyoleke alino mupange imikate ikumi na iili.

Mpendwa 17:2

“Nena aina Izlaeli yakuletele intuwa ikumi na ziili. Cila ntuwa ifume ku ntunguluzi yonga iya muli cila mutundu wa vikolwe vyao. Alino nawe ulembe pali cila ntuwa izina lya ntunguluzi.

Luka 22:30

Mulalya nu kumwa pa cipango cane mu Wene wane, nga nu kwikala pa vilimba vya wene nu kupingula imitundu ikumi na iili ya ina Izlaeli.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

Yoswa 4:20

Alino ku Giligali Yoswa asimpa amawe yalya ikumi na yaili yano yafumizye mu Luzi lwa Yodani.

Yoswa 4:5

nga ayanena ati, “Yangini pa nkolelo ya Mbokosi ya Upangano yakwe Yawe Leza winu, mwingile apakasi ka Luzi lwa Yodani. Cila wenga uwa munomuli alinzile ukutoola iwe nu kulisenda pa ciye, ukulingana ni mpendwa ya mitundu ya ina Izlaeli,

Umbwilo 21:14

Ilinga lya musumba lyakuuzilwe pa mufula uwa mawe ikumi na yaili, pano palemvilwe mazina ya atumwa ikumi na yaili a Mwana wa Mfwele.