Kufuma 24:2 - Amazwi Yakwe Leza 2013

² Wewe wenga sile upalame pipi nani, muze foo. Antu yatalinzile kukwela mwamba.”

Kufuma 24:2 ပူးပေါင်းရင်းမြစ်များ

Kufuma 19:12

Ukayapangile nande kuzinguluka mwamba kuti yatakaciluke, nga ukayanene ukuti kusi umuntu nanti wenga wakwezya kukwela mwamba nanti kulyata mwisika. Ndi umwi alalyatapo, wene alakomwa.

Kufuma 20:21

Lelo antu yatwalilila kwimilila kutali. Suka sile Mose aliwe apalama kwi kumbi linyome litifi, kuno Leza wali.

Kufuma 24:1

Pacisila lino Yawe wamala ukupeela amasunde ku ina Izlaeli anena Mose ati, “Iza, kwela mwamba kunondi, wize na Aloni, Nadabu Abiu nga na aikolo ya ntunguluzi zya ina Izlaeli amakumi cinimbali. Lino mucili katalamukila, mufukame pansi mumpepe.

Kufuma 24:13

Caleka Mose atenuka pamwi na Yoswa kaazwa wakwe, alino Mose atandika kukwela mwamba wakwe Leza.

Kufuma 24:15

Mose akwela Mwamba wa Sinai, nga ni kumbi livimba mwamba.

Kufuma 24:18

Mose aingila mwi kumbi, atwalilila kukwela mwamba mpaka afika papela. Mose aikala kuku kwene amanda amakumi yani, musanya nu usiku.

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Yelemiya 30:21

Intunguluzi yao ilaya iya mutundu wao. Uwa kuyateeka alafuma pakasi kao. Ndaleka ukuti aize kunondi nu kumpalamila, pano kutanga kuye angaitemelwa ukumpalamila.” Ivyalanda Yawe.

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Mpendwa 16:5

Alino anena Kola, pamwi ni umba lyonsi ati, “Mutondo akatondo, Yawe alatulanga umuntu wakwe uwasololwa pakuti apalamile kuli aliwe. Wino alaleka apalamile kunoli, wiyo kwene ale awino wasolola.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.