Kufuma 24:18 - Amazwi Yakwe Leza 2013

¹⁸ Mose aingila mwi kumbi, atwalilila kukwela mwamba mpaka afika papela. Mose aikala kuku kwene amanda amakumi yani, musanya nu usiku.

Kufuma 24:18 ပူးပေါင်းရင်းမြစ်များ

1 Yamwene 19:11

Yawe nawe amwaasuka ati, “Ndanga wimilile papela ya mwamba, pa manso yane.” Lyene Yawe aiza apita penepo, alino cipunga cikulu sana cikatuka nga icilepula umwamba pakasi icivungola na mawe, lelo Yawe atali mwenemo mu cipunga cico. Lino cipunga cata, kwiza icilundumusi. Lelo Yawe atali mwenemo mu cilundumusi cico.

1 Yamwene 19:8

Eliya nawe akatuka alya nga amwa na manzi. Ivyakulya ivimupeela amaka akupita apa manda amakumi yani, asuka afika nu ku Mwamba wa Holebu, umwamba wakwe Leza.

Kufuma 19:20

Yawe aika pa Mwamba wa Sinai papela, nga aama Mose kuti aye papela pa mwamba.

Kufuma 24:17

Ku ina Izlaeli uluswepo lwakwe Yawe iluloleka wa cimbilimbili ca moto icikwaka papela ya mwamba.

Kufuma 25:1

Yawe anena Mose ati,

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Kufuma 34:28

Lyene Mose aikala pamwi na Yawe kuku kwene amanda amakumi yani, musanya nu usiku, kwaula ukulya nanti cimwi. Lyene Yawe alemba pa vipampa vya mawe yaya yaili amazwi yonsi a upangano, kuli kuti amasunde ikumi.

Kufuma 9:29

Mose anena Falao ati, “Lino namafuma sile muno mu musumba, namaya nkakatusye makasa yane nu kupepa kuli Yawe. Kupangalansya kumata, ni mvula ya mawe kutakuya, pakuti ungamanya ukuti insi iyakwe Yawe.

Kufuma 9:33

Lyene Mose afumako kuli Falao, afuma mu musumba, nga akatusya makasa yakwe apepa kuli Yawe. Kupangalansya, na mawe ya mvula, nga ni mvula vyonsi vita.

Mapinda 28:1

Umuntu mwipe akapuuka, ala pasi na akumuzinganya. Umuntu musuma wene wapama wakwe cisama.

Mateo 4:2

Lelo Yesu atalile nanti kamwi manda makumi yani, musanya nu usiku. Pacisila auvwa inzala.

Mako 1:13

akuno watenzi manda makumi yani, ala akutunkwa na Ciwa. Mwali ni vilyanyi mu mpanga ilya. Lelo angeli iiza yamutumikila.

Luka 4:2

kuko kuno watenzi manda makumi yani. Mu manda yalya onsi, ala akutunkwa na Ciwa. Wene atalyanga nanti cimwi. Caleka auvwa inzala.

Malango 10:10

“Fwandi nemo natenzi pa mwamba akasanya konsi nu usiku onsi, pa manda amakumi yani wakwe vino nacisile ilyankolelo. Yawe nawe uvwile kunondi nu kuzumila ukuti atalonona mwemwe.

Malango 5:31

Lelo wemo, Mose, wize usyale nani pakuti nkupeele amalamulo, ni vyeo nga na masunde yonsi yano ulinzile kusambilizya antu, pakuti yace yayayela mu mpanga ino nkuyapeela kuti iye iyakwao.’

Malango 9:18

“Lyene nupya kwene impona pansi ala mfupime pa manso yakwe Yawe pa manda amakumi yani, musanya nu usiku. Ntalile cakulya nanti kumwa amanzi, pamulandu wi ifyo lino mwemo mwacisile, apakucita inkota pa manso yakwe Yawe nu kumulenga kusoka.

Malango 9:25

“Nemo naponyile pansi ala mfupime pa manso yakwe Yawe pa manda yalya amakumi yani, musanya nu usiku, pamulandu wakuti namanyile ukuti wene wavwanzile vino ali nu konona mwemwe.

Malango 9:9

Lino nakwezile ku mwamba ku kupokelela vipampa vya mawe ivya upangano uno Yawe wacita namwe, ali lino natenzi pa mwamba amanda amakumi yani, usiku nu musanya. Ntalile icakulya nanti kumwa amanzi.