Kufuma 24:10 - Amazwi Yakwe Leza 2013

¹⁰ alino yalola Leza wino aina Izlaeli yapepanga. Mwisika lya ngazo zyakwe mwali cimwi calolekanga papela ngati iwe licindame lyakwe safilo, ilyanze ningo, kuloleka kwaliko ngati iyulu.

Kufuma 24:10 ပူးပေါင်းရင်းမြစ်များ

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

Utandiko 32:31

Lino ilanzi lyatunka. Yakobo afuma pa Peniwele ala akusinta pamulandu wa lutungu lwafyutwike.

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

2 Milandu 6:17

Iye, we Yawe, Leza wa ina Izlaeli, ndakai si fikilizya vyonsi vino walavile umuomvi wako Davidi.”

Kufuma 24:11

Leza atononyile intunguluzi zii, zya ina Izlaeli. Endi yamuweni Leza, lino yalola Leza alino lyene yalya nu kumwa capamwi.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 33:20

Yawe atwalilila kuvwanga ati, “Lelo utanga undole pamulandu wakuti pasi umuntu angandola aye nu umi nupya.”

Kufuma 33:23

Lyene imfumye ikasa lyane alino ulole itundu lyane sile, impumi yane yene foo.”

Lwimbo lwakwe Solomoni 5:14

Amakasa yakwe yapangwa ningo, nupya akazwalako imbalaminwe zya tumawe twamutengo cuze. Umwili wakwe watelepa wi koza lya nzovu, lino iikamo utumawe twamutengo cuze.

Lwimbo lwakwe Solomoni 6:10

Uzye aweni wilya akwiza wi lanzi lyapa macaca? Wene wayemba wa mwezi, akayengesa wi lanzi, uwakoopa wa vita ivicenjemile ni vyanzo.

Nyimbo zya ndosya 4:7

Yacilumendo amu Zioni ayengesanga mpee ukuluta na pali kungwi, ali ayenzulukile imili ukuluta na pa tumawe twamutengo utwakwe kolo, nanti utumawe tukankala twakwe safilo.

Ezekelo 1:1

Mu mwaka walenga amakumi yatatu, pa wanda walenga yasano wa mwezi wakwe cini, lino nali na azya pa nkumba ya Luzi lwa Kebali, iyulu liyulika nga ndola Leza mu cilolwa.

Ezekelo 10:1

Lino ne Ezekelo natumpwile amanso yane papela yakwe yakelubi, naweni icintu conga icali wa cilimba ca wene, capangwa kwiwe likankala lyakwe safilo

Danieli 10:17

Uzye nemo, ne muomvi wako, ningalandana nawe uli, we Mwene? Nemo nimpomponteka nupya munondi musi umupu.”

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Mateo 17:2

Lyene yalola Yesu wakaoka, ni cinso cakwe ciyengesa cuze wi lanzi, nga ni vizwalo vyakwe viyengesa viya vitiswe wa luswepo.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 14:9

Yesu amunena ati, “Nati nikala namwe nsita ntali, lelo Filipo wemo utamanyile nene? Wino wandola, walola na Tata kwene. Uzye pacani ukuti, ‘Tulange So?’

Yoane 6:46

Nsyakuti umuntu ali wensi watala walola Tata, suka sile wino uwafuma kuli Leza, wene uwalola Tata.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

1 Yoane 4:12

Kusi umwi uwalola Leza. Lelo ndi twatemwana ale Leza wikala munotuli, nga nu kutemwa kwakwe kwaya ukufumaluke munotuli.

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 21:11

Musumba wayengise wi we liyengese lyamutengo, wakwe Yaspele, uyengese mpe wakwe Kulustele.

Umbwilo 4:3

Wino uwatenzipo cinso cakwe cayengise cuze wa mawe acindame amutengo wakwe yaspele na kaleli. Lyene umulalamfuti nao uzinguluka cilimba ca wene, nupya wayengise wi we lino likayengesa.