Kufuma 23:7 - Amazwi Yakwe Leza 2013

⁷ Uleuke mu vya ntumpu. Utakoma umuntu wakaele akacita vyawololoke, pano nemo ntalapanya mukakasi.

Kufuma 23:7 ပူးပေါင်းရင်းမြစ်များ

Utandiko 18:23

Alino Abulaamu apalamila kuli Yawe amuuzya ati, “Uzye cumi ulonona akacita vyawololoke kumwi na ankota?

Yobo 22:23

Ndi wala waweluluka kuli Leza Wamaka yonsi, waicefya nu kuizilizya umukasi ka ng'anda yako,

Masamu 119:29

Umfuntusye ku nzila zya ntumpu, lelo uku usuma wako unsambilizye amasunde yako.

Masamu 94:21

Yene yakalwisyanya na antu asuma, nu kuzwisya uwazi wa muntu wakaele.

Kufuma 20:13

“Utakoma.

Kufuma 20:16

“Utatumpwila umuzo.

Kufuma 23:1

“Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Mapinda 11:21

Cumi kwene, antu aipe yalavunukwa, lelo yayo akacita vyaololoke Leza alayatuula.

Mapinda 17:15

Ukupeela uwa mulandu insambu nu kupeela uwakaele umulandu, ali vintu viili vino Yawe wapata umu musango uli umwi kwene.

Ezaya 33:15

Ala mungapusuka ndi mwatandika ukucita ivyaololoke nu kulanda ivyacumi. Fwandi mutaya nu lwiswa umu kulonka ivyuma ku alanda, nupya mutapokelela amafukakanwa. Mutaezya ukuvwana na yacikoma, nanti yayo akacita iviipe.

Ezaya 5:20

Kalanda kuno muli mwe yaunteleu, mwe yamulengulula mwe. Mwemo mukatola iviipe, imulola ngati ivisuma. Alino nu kutoola ivisuma avino mwemo imucita ukuya iviipe! Imusangula imfinzi aino iya uluswepo kuno muli, alino uluswepo nalo iluya imfinzi! Ivilule avino mwemo imusenula ivyakulya mpe, alino ivyakulya mpe imuvisangula ivilule!

Aina Levi 19:11

“Mutaiya nanti kusomba nanti kutumpoka.

Aina Levi 19:16

Utapitanapitana ku na ku kukusalanganya ufi pakasi ka mutundu wako. Utacita icintu icili consi cino cingaleta uzanzo ku umi wa mwinipamba wako. Nene Yawe.

Naumi 1:3

Yawe asisoka zuwa, lelo uwamaka wakwe cimwi nupya asipanya umuntu uwa mulandu. Pano Yawe akupita, pakakatuka nkungulupya ni cipunga icikome. Amakumbi ali lukungu luno ingazo zyakwe zikakatusya.

Luka 3:14

Asilika nao kwene yamuzya yati, “Nga swemo? Uzye tumacita uli?” Nawe ayanena ati, “Mutapokolola impiya ku muntu umwi mu ucenjezi nanti kulongwela umwi vyaufi. Zangini pa malipilo inu.”

Loma 1:18

Lyene ukali wakwe Leza wati usokoloka kufuma kwiyulu pamulandu wankota na maifyo ya antu, pano inkota zyao ziipe zikacilikizya icumi kuti citamanyika.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Malango 25:1

“Ndi cali aina Izlaeli yamwi yaili yapusana nga yatwala umulandu ku cilye ca milandu pakuti yayapingwile, nga lyene wenga wazanwa ukuti asi nu mulandu lelo umuze ali wa mulandu.

Malango 27:25

“ ‘Katipwe kuli Leza wiyo wensi aalatola mafukakanwa kuti akakome umuntu asi uwa mulandu.’ “Lyene antu yonsi yalalanda yati, ‘Ee mukwai! Kaciye vivyo kwene!’

1 Tesalonika 5:22

leukini viipe vya misango yonsi.