Kufuma 23:1 - Amazwi Yakwe Leza 2013

¹ “Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Kufuma 23:1 ပူးပေါင်းရင်းမြစ်များ

Utandiko 39:17

Lino iya wawela, amulandila ati, “Muzya wilya Muyuda wino waleta kuno, wali wangingilila ku musanzi ku kwiza mpatikizya kuti tulale nawe.

2 Samueli 16:3

Umwene auzya ati, “Uzye Mefibosyeti, umwizikulu wakwe Saulo umusambazi wako ali kwi?” Ziba nawe aasuka ati, “Akwikala umu Yelusalemu pamulandu wakuti wene atakutwisika ukuti aina Izlaeli yamawezezya kunoli uwene wakwe Saulo, uwali a sikulu.”

2 Samueli 19:27

Wene wantumpwilile kunuli, we mwene wakwisaci, lelo wemo ukoline nu mungeli wakwe Leza. Acino cita consi icingakuzipila.

Masamu 101:5

Umuntu akaamba umuze umu umfisolo nemo ndamuvunuka. Wemo ukalolekesya ni misuuli umuntu uwavilumba, nemo nsilonda ukwikala pamwi na aliwe nanti panono.

Masamu 120:3

Uzye Leza alacita cani kuli mwemwe, mwe antu asomvi mwe? Uzye wene alamuvunuka uli?

Masamu 15:3

Awiyo wino ululimi lwakwe lusitumpoka, wiyo asicita iviipe uku muze nanti ukuletela umuze umuzewanya.

Masamu 27:12

Utasya wamfuntwila uku anisi yane, pano yene yangankatukila ni vyakuntumpwila nu kungoofya.

Masamu 35:11

Yakambone yaufi nayo yatiyankatukila, nu kuntumpwila ivintu vino nemo ntamanyile.

Kufuma 20:16

“Utatumpwila umuzo.

Kufuma 23:7

Uleuke mu vya ntumpu. Utakoma umuntu wakaele akacita vyawololoke, pano nemo ntalapanya mukakasi.

Mapinda 10:18

Umuntu akafisa ulupato lwakwe uwantumpu, lelo uwa lwambo wene iciwelewele.

Mapinda 12:17

Kavwanga wa cumi ali kambone wa cisinka, lelo imboni yaufi ikatumpoka sile.

Mapinda 14:5

Kambone wacisinka akalanda icumi lyonsi kwene, lelo kambone waufi wene akatumpoka monsi muno akulondela.

Mapinda 17:4

Umwipe akakutika uku milomo ya mufulo. Uwaufi nawe akateya ikutwi uku lulimi ulukaonona.

Mapinda 19:28

Kambone uwasilesile, awiyo akasuula uku vyaulungi, umulomo wa antu aipe ukaipakizya uku vyalufyengo.

Mapinda 19:5

Kambone waufi yatalamupanya, nu muntu uwantumpu nawe kwene atalapusuka foo.

Mapinda 19:9

Kambone waufi yatalamupanya umu cilye, nu muntu umutumpe nawe kwene atalapusuka foo.

Mapinda 21:28

Kambone waufi alalowelela. Lelo izwi lyakwe wiyo akaelela lilauvwika pee.

Mapinda 24:28

Utaya nu umboni wakusinila umuzo ndi cakuti utasininkizye umulandu, nupya utezya wavwanga ivintu ivya kumufyengelekezya umulandu.

Mapinda 25:18

Akaimilila umuze umboni waufi, wene akoline ni sumo nanti nu lupanga nanti nu luceto.

Mapinda 25:23

Ulwambo lwene lukalenga icipyu, icili conga kwene ndi vino umuza waku katutu ukaleta imvula.

Mapinda 6:19

kambone waufi akalanda ivya ntumpu, nga nu muntu wino akasongelekanya akundwe.

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Aina Levi 19:11

“Mutaiya nanti kusomba nanti kutumpoka.

Aina Levi 19:16

Utapitanapitana ku na ku kukusalanganya ufi pakasi ka mutundu wako. Utacita icintu icili consi cino cingaleta uzanzo ku umi wa mwinipamba wako. Nene Yawe.

Mateo 19:18

“Nawe amuuzya ati, ‘Uzye masunde cii?’ Yesu amwaasuka ati, ‘Utakoma, utalongozya, utaiya, utatumpwila umuzo,’

Luka 19:8

Zakeyo nawe aimilila anena Mwene ati, “Mwene, uvwa! Ndapela citika wa vyuma vyane ku apina. Nupya ndi natala nacenjezya umwi cili consi, ndamuwezezya maila yani kulingana ni cintu cico.”

Luka 3:14

Asilika nao kwene yamuzya yati, “Nga swemo? Uzye tumacita uli?” Nawe ayanena ati, “Mutapokolola impiya ku muntu umwi mu ucenjezi nanti kulongwela umwi vyaufi. Zangini pa malipilo inu.”

Yoane 7:51

“Kulingana na Masunde itu, uzye tulinzile kupingula umuntu lino tutali tuvwe kunoli nu kumanya vino watacita?”

Loma 3:8

Uzye lyene pacani tutangavwanga tuti, “Katwacita viipe pakuti visuma viloleke?” Avino na antu yamwi yakansausya pa kutumpoka ukuti nani avino nkalanda! Yene yalavunukwa wakwe vino cingayalinga.

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Malango 5:20

“‘Utatumpwila umuzo.

2 Timoti 3:3

Yene yatalaya nu luse na mizu, yene yalaya akwakwa, alwete nupya akakate. Yalapata visuma.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

Umbwilo 12:10

Nupya nuvwa izwi likulu mwiyulu likuti, “Ndakai Leza watatutuula! Leza watalanga maka yakwe nu wene wakwe! Ndakai Katuula wino wasolola watalanga maka yakwe! Pano wiyo akapeela aina itu milandu wene wasumbwa pano nsi, wino musanya nu usiku akayapeela milandu nkolelo yakwe Leza witu.