Kufuma 22:8 - Amazwi Yakwe Leza 2013

⁸ Lelo ndi umwivi atalemilwe, lyene wino wasunganga impiya ni vintu vyamutengo ukulu, yalinzile kumutwala kuli yakapingula nga yakapingula yalalola ndi cakuti wiile mwinipamba vintu vivyo nanti foo.

Kufuma 22:8 ပူးပေါင်းရင်းမြစ်များ

1 Yamwene 8:31

“Ndi cakuti umuntu umwi yamupeela umulandu uwa kwifya ku muze, alino yamuleta ku kavuwa kako aka mu Ng'anda ino ikulu, apakuti azenzuke asyale uwakaele,

1 Milandu 23:4

Alino Davidi avwanga ati, “Pa antu yaa, 24,000 yapeelwa uwangalizi wa milimo yamu Ng'anda ikulu yakwe Yawe. Antu 6,000 yalinzile ukuya ivilolo na yakapingula,

Masamu 82:1

Leza aliwe akateeka icilye ca mwiyulu. Wene akapingula imilandu pakasi kakwe tuleza.

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Kufuma 22:9

“Mu mulandu onsi uno antu yaili yakupazyanya pali masaye, punda, imfwele, vyakuzwala nanti icintu consi caticiponga, cino ali wino akuti cakwakwe, antu yaili yaa yalinzile kuyatwala kuli yakapingula. Lyene yakapingula yalinzile kupingula mulandu, nga wino wazanikwa nu mulandu alinzile ukulipa muze maila yaili.

Malango 16:18

“Mu misumba inu yonsi ino Yawe Leza winu alamupeela muce musonte mwenemo yakapingula ya milandu pali pamwi na makombe ukufuma mu nko zinu zyonsi. Antu yao, ali yano yalapingula auze ukwaula kasoozi.