Kufuma 22:4 - Amazwi Yakwe Leza 2013

⁴ Ndi cakuti inyama ino wiya yaizana ipuma ale ali nayo, cisi mulandu inyama iyo ingaya a masaye nanti punda nanti imfwele, wene alinzile kulipa ziili pa nyama yonga.

Kufuma 22:4 ပူးပေါင်းရင်းမြစ်များ

Kufuma 21:16

“Wino wensi uwasenda umuntu umwi ku maka kuti akamukazye nanti kuti amucite muzya, wene alinzile ukukomwa.

Kufuma 22:1

“Muntu ndi wiya masaye nanti imfwele nanti imbuzi, wakoma nanti wakazya, alinzile kulipila yamasaye yasano pali masaye wiyo wenga, nga alinzile kulipila imfwele nanti imbuzi zini pa mfwele nanti imbuzi iyo yonga.

Kufuma 22:5

“Muntu umwi ndi waleka iviteekwa vyakwe vyaya vingila mu calo ca muntu muze nu kulya vilimwa vyamu calo cico, umweneco wa viteekwa vivyo alinzile ukulipa muze vilimwa vyakwe visuma cuze ukufuma mu calo cakwe, nanti iviseekwa vyakwe visuma cuze.

Kufuma 22:7

“Muntu umwi ndi wazumila kusungila umuntu muze impiya nanti icintu camutengo ukulu nga lyene yamwiyila, ndi umwivi yamulema alinzile kulipila maila yaili.

Kufuma 22:9

“Mu mulandu onsi uno antu yaili yakupazyanya pali masaye, punda, imfwele, vyakuzwala nanti icintu consi caticiponga, cino ali wino akuti cakwakwe, antu yaili yaa yalinzile kuyatwala kuli yakapingula. Lyene yakapingula yalinzile kupingula mulandu, nga wino wazanikwa nu mulandu alinzile ukulipa muze maila yaili.

Mapinda 6:31

Nanti ndi yamulema, ali nu kuswilizyapo amaila cinimbali, nanti angala alipile ivyuma vyonsi ivya mung'anda yakwe.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Aina Levi 6:5

Pa wanda uno akupeela uwila wa cizumila mulandu alinzile awezezye umweneco vintu vyonsi vino watozile. Lyene aungilizyepo icintu conga pali cila visano.

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

1 Samueli 12:5

Samueli nawe ayanena ati, “Yawe pamwi nu mwene wino watasonta ali kambone akupeela umboni uwakuti mutanzanyile nu mulandu uli onsi.” Nayo yavwanga iyati, “Endi, wene akambone.”