Kufuma 22:31 - Amazwi Yakwe Leza 2013

³¹ “Mwemwe antu yane. Caleka mutalinzile ukulya inyama ya citeekwa cino cakomwa ni cilyanyi ca mpanga. Inyama iyo mupeele kuli yasimbwa.

Kufuma 22:31 ပူးပေါင်းရင်းမြစ်များ

Ezila 9:2

Aina Izlaeli yamwi, ana yao aonsi yatandike ukutwala akazyana ya inamasi. Pali cii umutundu witu uziliziwe wavulungana ni mitundu ya antu yauze. Nupya intunguluzi na antu yakalamba kwene alio yalusizye umu cimvulunganya ca mutundu uu.”

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 44:31

Yasimapepo yatakalye icunyi icaifwila, nanti inyama iyaifwila, nanti citeekwa icakomwa ku citeekwa cuze.

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Aina Levi 20:25

Caleka mwemo mulinzile kupusanya pakasi ka nyama ni vyunyi vyamifitalila ni visi vyamifitalila. Mutaalya inyama nanti vyunyi vyamifitalila. Ndi mwalya vintu vivyo vingamulenga ukuya amifitalila.

Aina Levi 22:8

Simapepo atalinzile kulya inyama ino yaifwila nanti ino yatikomwa ni cilyanyi ca mpanga, pano ingamulenga ukuya uwamifitalila. Nene Yawe.

Aina Levi 7:24

Mafuta a nyama ino yaifwila na a nyama ino yakomwa ku cilyanyi ca mpanga, yene mungayaomvya ku milimo yuze iili yonsi, lelo mutalinzile ukuyalya.

Milimo 10:14

Lelo Petulo avwanga ati, “Awe Mwene! Cumi ntatala nalya icintu cimwi citasanguluka nanti cikowele.”

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.