Kufuma 22:30 - Amazwi Yakwe Leza 2013

³⁰ Mwampeela mayeli ya ng'ombe ni mfwele ni mbuzi zinu. Mwaleka iyeli lyaviko na nyina amanda cinimbali, na pa wanda uwalenga cinani mulipeela kunondi.

Kufuma 22:30 ပူးပေါင်းရင်းမြစ်များ

Utandiko 17:12

Mukulo onsi ukwiza, umwana umonsi wavyalwa wamala amanda cinani, aye uwaluko lwako nanti foo, aye umwana wa muzya wapa ciyanza nanti muzya wensi wino mwakala ku inamasi, alinzile kusilamulwa.

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Aina Levi 12:3

Pa wanda uwalenga cinani umwana wiyo alinzile kusilamulwa.

Aina Levi 17:15

“Mwina Izlaeli ali wensi nanti mwinamasi wino akwikala mwi uvi lya ina Izlaeli ndi walya inyama ino yatiifwila nanti ino yatilumwa ni cilyanyi ca mpanga, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 22:27

“Lino umwana wa ng'ombe nanti wa mfwele wavyalwa mutalinzile kumufumya kuli nyina pa manda cinimbali. Pacisila ca manda cinimbali nu kuya pa nkolelo wene angapokelelwa wa wila wakocela Yawe.

Aina Levi 22:8

Simapepo atalinzile kulya inyama ino yaifwila nanti ino yatikomwa ni cilyanyi ca mpanga, pano ingamulenga ukuya uwamifitalila. Nene Yawe.

Aina Levi 7:23

“Nena aina Izlaeli ukuti kusi wakulya amafuta ya ng'ombe nanti a mfwele nanti a mbuzi.

Aina Levi 7:24

Mafuta a nyama ino yaifwila na a nyama ino yakomwa ku cilyanyi ca mpanga, yene mungayaomvya ku milimo yuze iili yonsi, lelo mutalinzile ukuyalya.

Aina Levi 7:26

Nupya konsi kuno yalikala, kusi kulya uwazi uli onsi, wa vyunyi nanti wa nyama.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.

Malango 15:19

“Mupaatwile Yawe Leza winu amayeli yonsi akalume a ng'ombe na a mfwele. Mutakezye ukuomvya iyeli lyakwe yamasaye ilya ng'ombe zinu nanti ukusenya amavumbu imfwele ili yonsi pa mfwele zii.