Kufuma 22:20 - Amazwi Yakwe Leza 2013

²⁰ “Muntu wensi uwapeela impolelwa kuli tuleza alinzile akomwe. Lelo ukwakupeela impolelwa akuli nene, ne Yawe.

Kufuma 22:20 ပူးပေါင်းရင်းမြစ်များ

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

2 Yamwene 10:25

Lino Yeu wamala ukupeela impolelwa yakoca, apeela ilamulo kuli yakalinda na yakapitao yao ati, “Lyene ingilini muyakome yonsi pyu. Mutaleka nanti wenga apuuke.” Nayo fwandi ali pakwingila mwenemo, nga yakoma yonsi pyu ku lupanga. Yakalinda na yakapitao yao iyakulila ivyala vya antu yaya ukunzi. Alino yaya yingila mu muputule wa mukasi ka ng'anda ikulu ilya yakwe Baali.

2 Milandu 15:13

Yapangana nu kuti umuntu wensi, umwance nanti uwikolo, umonsi nanti umwanaci, uwakana ukupepa ndi muno yakulondela wene uwakukoma sile.

Kufuma 23:9

“Mutacuzya mwinamasi. Mwemo mwamanya vino caya ukuya mwinamasi, pano namwe kwene mwali ainamasi mu Eguputo.

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Kufuma 34:15

Mutacita cipangano na antu amu mpanga ilya pamulandu wakuti lino yakupepa yaleza yao, yakayafyulila impolelwa, nga limwi yangamwama kuti mulye nayo cakulya ca mpolelwa zyao.

Ezekelo 20:7

Nemo nayanenyile ukusumba utuluwi twao utwipisye tuno yatemwa, nayanenyile nu kufuntunka ku ukowezya wa tuluwi, tuleza twaufi twamu Eguputo, pano nene nenga mpo indi Yawe Leza wao.

Aina Levi 17:7

Caleka ndakai aina Izlaeli yatalinzile ukupeela impolelwa ku tuluwi utwa cata ca mbuzi tuno yakafukamila. Ilamulo lii, lili nu kusungwa ku nkulo zinu zyonsi.

Aina Levi 19:33

“Mutazunya ainamasi yano yakwikala mu mpanga inu.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mpendwa 21:3

Yawe auvwa ukupapata kwa ina Izlaeli, nga ayapeela amaka iyaya yacimvya aina Kenani. Acino aina Izlaeli iyonona antu yalya iyayamalila kumwi ni misumba yao. Lyene iyatemela ni ncende ilya yati Holima.

Malango 10:18

Wene akasakamala ukuti ana asyale na yamukamfwilwa yatafyengwa. Wene watemwa ainamasi akaikala na antu itu, nupya akayapeela ivyakulya ni vyakuzwala.

Malango 18:20

Lelo ndi kasema ali wensi camukumba ukwezya kulanda mwi zina lyane lino nemo ntamupeela ilamulo kuti acite cico, wene alinzile akomwe, nga vivyo kwene avino mukacite na kuli kasema akalanda mwi zina lyakwe tuleza tuze.

Malango 23:8

Ana yao, alavyalwa ukufuma na pa mukulo wakwe citatu yene mungayapendela mu antu yakwe Yawe.

Malango 24:17

“Mutaezya kufyengelekezya ainamasi na ana asyale pa nsambu zyao. Nupya mutaezya kutoola cakuzwala cakwe mukamfwilwa kuti ciye kamukole pa nkongole zino amukwatile.