Kufuma 20:6 - Amazwi Yakwe Leza 2013

⁶ Lelo nkalanga kutemwa ku nkulo mazimbi zino zyantemwa nu kuyela amasunde yane.

Kufuma 20:6 ပူးပေါင်းရင်းမြစ်များ

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Mapinda 3:1

Mwanane utailila vino nkukusambilizya, lelo lyonsi sile uwaiusya vino nakunena ukucita.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Yoane 14:15

“Ndi mwantemwa mwayela masunde yane.

Yoane 14:21

“Wino wensi akapokelela masunde yane nu kuyayela, ala wene uwantemwa. Na wino wensi uwantemwa, wene alatemwikwa na Tata. Nani kwene ndamutemwa nu kuisokolola kunoli.”

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 5:29

Endi, si cizipe imyenzo yao avino iye iyakoopa nene nu kusunga amasunde yane yonsi insita zyonsi, pakuti vyonsi viyazipile kumwi na ana yao amanda pe!

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Yoane 4:19

Swemo tukatemwa pano Leza uwatandike ukututemwa.

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,

2 Yoane 1:6

Kutemwa kuno nkulanda kukusenula ukuti tulinzile kuyela malamulo yakwe Leza. Ilamulo lino muvwile kufuma ku utandiko ilyakuti mwensi mwatemwana.