Kufuma 20:5 - Amazwi Yakwe Leza 2013

⁵ Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 20:5 ပူးပေါင်းရင်းမြစ်များ

2 Samueli 21:1

Lino Davidi wateekanga, kwali icipowe icikulu icasenzile imyaka itatu iyalondekine. Acino Davidi auzya Yawe kuti amupanzye amano pali cii, nga nawe amwaasuka ati, “Saulo na aluko lwakwe yali nu mulandu wa utazi wa katwe. Wene wakoma aina Gibyoni.”

2 Samueli 21:6

Acino utupeele aonsi cinimbali amu mupanda wakwe, nga naswe tumayanyonga pa manso yakwe Yawe ku Gibeya, umusumba wakwe Saulo, umwene wino Yawe wasolwile.” Umwene nawe aasuka ati, “Namayapeela kunuli.”

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 21:29

“Uzye watulola vino Aabu waicefya? Pa kuicefya kuno wene waicefya pa manso yane, ntalamuletela imipamba amanda yonsi yano alikala pano nsi. Lelo ndaletela ang'anda yakwe imipamba mu manda ya umi wa mwana wakwe umonsi.”

2 Yamwene 17:35

Yawe wapangine nayo upangano nu kuyakomelezya ati, “Mutaezya ukupepa tuleza tuze, mutatufukamila nanti uku tutumikila nanti sile ukutupeela impolelwa.

2 Yamwene 17:41

Fwandi antu yayo yene yapepanga Yawe. Nga lelo na pa kasita akali konga kwene, yatwalilile ukupepa utuluwi twao. Na ana yao ukufika na pilelo kwene, yacili yakacita icili cimwi kwene.

2 Yamwene 23:26

Nga lelo walanga Yawe wasokela mpiti antu amu Yuda pali vino umwene Manase wacisile. Pali cico cene Yawe atatazile atonte uku mwenzo foo.

2 Yamwene 5:18

Lelo nkutaila ukuti Yawe amanjelelanga uluse lilyo lyonsi lino namasukililanga umwene wane wa ina Asilya umu ng'anda ikulu yakupepelamo Limoni, kaleza kaluwi ka ina Asilya, lino nani kwene namayanga mwenemo mu kupepa. Icumi nkuti Yawe Leza anjelela kweneko uluse.”

2 Yamwene 5:27

Ali cino fwandi yame, tembwe wiya wino Naamani walwile amaiza kuli wewe nu ku amu mupanda wako kwene. Alalematila amu mupanda wako amanda yonsi ya umi wao!” Lino Geazi akufuma sile penepo, awe papo kwene alwala tembwe. Umwili wakwe iuwuutuluka na wuu kwati akungwi.

2 Milandu 25:14

Lino Amaziya wawela ku kukoma aina Edomu, wene wawezile ala asenzile tuleza twa antu aku Seili. Alino atwika kuti tuye tuleza twakwe, nga atandika ukutupepa nu kutocela ubani.

2 Milandu 7:19

“Lelo ndi cakuti wewe na antu yako mwakana ukulondela amasunde yano namupeela, nu kuya ku kutumikila nu kupepa tuleza tuze,

Yobo 21:19

Mwemo mukavwanga imuti, ‘Leza alavunuka ana pa maifyo ya akwasi yao!’ Ala asi avivyo foo. Lelo Leza alavunuka umuntu mwipe, pakuti umwisikulu amanye ukuti Leza aliwe akavunuka yakaifya.

Yobo 5:4

Ana yakwe iyasyala ntalwentalwe ukwaula ucingo, nu mu ng'anda ya milandu mutalolike nanti wenga, uwakuya yavwangila kweneko.

Masamu 109:14

Sangala Yawe aiusya uyi wakwe isi, nu uyi wakwe nyina utakatale uwelele.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Masamu 79:8

Utatuvunuka apa uyi uno vikolwe vitu vyacisile. Ale swemo, utuyelele sile uluse, pano swemo amano yati yatupela.

Masamu 81:15

Antu yano yapata Yawe, yangiza yacimbe kunoli ulanda ulanda. Nu kuvunukwa kwao kungikalilila umuyayaya.

Kufuma 23:24

Mutafukamila unkolanya wakwe tuleza twao nanti kutupepa. Mutalondelela mipepele nanti miyele ya antu yaa. Mukonone tuleza twao nupya mukatamole vipilala vya mawe yao pano yakapepela.

Kufuma 34:14

“Mutapepa leza muze ali wensi, pano Yawe wino izina lyakwe a cauzuwa, a Leza wa uzuwa mucumi.

Mapinda 8:36

Lelo wino wensi uwaposiwa ukunzana, wene ala wailetelela sile. Na wino wensi uwapata nene, ala wene watemwa imfwa.”

Ezaya 44:15

Uku cimuti icili cimwi kwene, umuntu angaputulako ulukwi ulwa kupembelako umoto. Cimwi naco awazilako akaluwi. Wene angaputulako ulukwi ulwakoota na lumwi ulwakocelako umukate. Alino cino casyala naco aputule icakuwazilako akaluwi kaleza akano apepa nu kupepa. Wene akapanga akaluwi nu kukafukamila.

Ezaya 44:19

Yene yasiyelenganya na mano yatakweti, akumanyila ukuti yatiyoca citika umwi umu moto, apa munyeswa yatiyocelapo inyama nu kulya yatiyalya. Alino ivyasyalako yatiyawazako icintu cimwi iciipe cino yafukamila.

Yelemiya 2:9

“Fwandi ne Yawe namamupeela nupya umulandu, ivyalanda Yawe. Ndapeela ni vizikulula vinu umulandu.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Ezekelo 18:19

“Lelo mwemo munguzya muti, ‘Uzye pacani cino umwana atangapeelwa umulandu pa kwifya kwakwe isi?’ Uwasuko aewu wakuti umwana wene wacitanga ivyaololoke nupya ivisuma. Nupya wene walondelanga ningo amasunde yane yonsi, uli mulandu kwene uno wene angikalilila nu umi.

Ezekelo 18:2

“Uzye mwe antu mwalozya mwi apakuuma umulumbe uu? Pano antu yakavwanga mu mpanga ya Izlaeli yati, ‘Ivikolwe vitu ivyalile amatingi masasalume, lelo swe ana kuvyalwa yatuletela uwizila mu mino?’

Ezekelo 20:7

Nemo nayanenyile ukusumba utuluwi twao utwipisye tuno yatemwa, nayanenyile nu kufuntunka ku ukowezya wa tuluwi, tuleza twaufi twamu Eguputo, pano nene nenga mpo indi Yawe Leza wao.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Danieli 3:18

Lelo nanti angala atakututuula, tukasi kuti we mwene umanye ukuti tutamatumikila tuleza twako nanti ukupepa iciluwi cako cakwe zaabu cino wika kuku.”

Aina Levi 20:5

lyene nene kwene indamufutatila umuntu wiyo pamwi na amu ng'anda yakwe onsi, nupya ndayasukula mu antu yane pamwi na yonsi yano yakamulondela mu kupepa Moleki.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Aina Levi 26:29

Icipowe mu mpanga inu cilakula cuze cakuti mulaalya ana inu.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Mpendwa 14:33

Ana inu nayo yalazeuluka mu lwanga pa myaka amakumi yani, nu kucula pa kutalama kwinu suka ukufika lino umuntu wensi uwa munomuli akafwe.

Mpendwa 25:11

Pineasi umwana wakwe Elieza, umwana wakwe Aloni, simapepo, uwatazusya icipyu cane pa ina Izlaeli. Awenga sile muli yonsi uwasakamala ukucita icilungame wakwe vino nkalonda. Ali cino nakana ukulovya aina Izlaeli ku cipyu cane.

Mateo 4:9

Alino amunena ati, “Vintu vii vyonsi namakupeela ndi wamfukamila nu kumpepa.”

Yoane 15:18

“Antu amu nsi ndi yamupata, iusyini vino nene yatandike kupata.

Yoane 7:7

Mwemo amu nsi yatangayamupate, lelo nemo yampata pano nkayanena vino vicitwa vyao iviipe.

Yoane 9:2

Alino alondezi yakwe yamuzya yati, “Kasambilizya, uzye amaifyo yakwe weni alenzile kuti umuntu wii avyalwe impafu? Uzye amaifyo yakwe wenga nanti amaifyo ya akwasi yakwe?”

Loma 1:30

yaya alunya, asoka Leza, a cilumba, a mataki, akayuvwa, yene yakalondelezya inzila zipya zyakucitilamo viipe, asyayela akwasi,

Loma 8:7

Pano umuntu akaya umwanisi wakwe Leza ndi akutungululwa ni vilondwa vya mwili wakwe, pano wene asyayela Masunde yakwe Leza, nupya atangayela.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Malango 4:24

pamulandu wakuti Yawe Leza winu akoline wa cimbilimbili ca moto. Wene asizumilizya kupepa tuleza tuze.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Malango 5:9

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Malango 6:15

Ndi cakuti mwapepa tuleza tuze, ukali wakwe Yawe ulamukatukila umonone pyu, pamulandu wakuti Yawe Leza winu, wino ali pakasi kinu a Leza wino asilonda uwakucimvyanya nawe.

Malango 7:10

Lelo atalasitoka ku kuvunuka yao amupata.

Yakobo 4:4

Mwe antu mwe muno musi akutailwa kuli Leza! Uzye mutamanyile ukuti ndi mwaya ucuza ni nsi ala mwapatana na Leza? Wino wensi akalonda kuya cuza wa nsi ala wene waicita mwanisi wakwe Leza.

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Yoswa 24:19

Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.