Kufuma 20:4 - Amazwi Yakwe Leza 2013

⁴ “Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Kufuma 20:4 ပူးပေါင်းရင်းမြစ်များ

1 Yamwene 12:28

Pacisila ca kwelenganya vivyo, umwene wilya ali pakupanga utwana twa ng'ombe twiili twakwe zaabu. Alino anena antu yakwe ati, “Palengela sana mwemo mwalamwaya ku Yelusalemu ku kupepa. Mwe ina Izlaeli mwe, ala tuleza twinu aetu, utwamufumizye mu mpanga ya Eguputo!”

2 Yamwene 17:12

Ukwika penepo nu kutalamila isunde lyakwe Yawe, ilyakuntapepa tuleza tuze, utuluwi.

2 Milandu 33:7

Lyene aika iciluwi mu Ng'anda ikulu yakwe Yawe, umu cifulo camuzilo cino Yawe wanenyile Davidi nu mwanakwe Solomoni ati, “Mukwene umu Yelusalemu, umu Ng'anda ikulu kwene ii yakwe Leza, ali muno nasolola apa ncende ni vifulo vyonsi ivya mpanga zya mitundu ikumi na iili yakwe Izlaeli, wa ncende muno yangampepela.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Kufuma 20:23

Mutaipangila tuleza twakwe siluva nanti zaabu kuti mwatupepa pamwi nani.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Kufuma 32:23

Antu yaa yanenyile yati, ‘Tupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.’

Kufuma 32:4

Lyene Aaloni apokelela amaelena yakwe zaabu ukufuma kunoyali, alino ayasungulula, apanga unkolanya wa mwana wa ng'ombe mu cikombole. Lyene antu iyatandika kupunda yati, “Mwe ina Izlaeli, Leza witu auwi wino watufumizye mu Eguputo.”

Kufuma 32:8

Pakwene yatiyafuma umu nzila ino napiile ilamulo kuti yalondela. Yatiyasungulula zaabu nu kupanga mutepa wa mwana wa ng'ombe. Awino yakupepa nu kupeela impolelwa kunoli. Nupya yakuvwanga yati, ‘Mwe ina Izlaeli, leza witu auwi wino watufumizye mu Eguputo.’ ”

Kufuma 34:17

“Mutaipangila tuluwi twakwengulula nu kutupepa.

Ezaya 42:17

Lelo yayo yonsi ataila utuluwi, yayo akavwanga ku maunkolanya yati, ‘Mwemwe muli tuleza twitu,’ yene ndayavundanya nu kuyazewanya wakwe cimwi.”

Ezaya 42:8

Nene indi Yawe, lilyo lili zina lyane. Ntalapa ululumbi lwane kuli wiyo ali wensi. Ukulumbanyiziwa ukulinzile nene, ntalazumilizya kuti kupelwe nu ku tuluwi.

Ezaya 45:16

Yonsi yano yakapanga utuluwi, yalazewana nupya yaluvwa insonyi. Yonsi yalapita asauke.

Ezekelo 20:7

Nemo nayanenyile ukusumba utuluwi twao utwipisye tuno yatemwa, nayanenyile nu kufuntunka ku ukowezya wa tuluwi, tuleza twaufi twamu Eguputo, pano nene nenga mpo indi Yawe Leza wao.

Ezekelo 8:10

Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Aina Levi 19:4

“Mutansya nu kuseleukila ku kupepa tuluwi. Mutaipangila tuleza twavyela nu kutupepa. Nene Yawe Leza winu.

Aina Levi 26:1

Yawe avwanga ati, “Mutaipangila tuluwi, nanti kwimika viumbwa vya unkolanya nanti kwimika incesi zya mawe, nanti kuiwazila vintu vii kuti mwavipepa. Nene indi Yawe Leza winu.

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Loma 1:23

Mu cifulo cakupepa Leza asiifwa, yene yakapepa tuluwi tuno yapanga mu unkolanya wa muntu akafwa nanti vyunyi nanti nyama nanti visela.

Malango 16:22

Nupya mutakezye ukusimpa ulucesi lwa mawe apakwika akaluwi akakuti mwapepa, pano Yawe Leza winu wapata ivintu vii.”

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 5:8

“ ‘Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Umbwilo 16:2

Alino mungeli wakwe conga aya apongolwela vyamu lweso lwakwe pa nsi. Lyene vilonda vyakoofya nupya viwaye viloleka pali yao akweti cimanyililo ca cilyanyi na pali yao apefile unkolanya wakweco.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Yakapingula 17:3

Alino nawe awezezya nyina ulupiya lulu, nga nyina avwanga ati, “Napaatwila Yawe siluva wane pakuti ulutipu lutaponela umwana wane umonsi kuti awaze akaluwi nu kukapomela na siluva. Acino ndakai namakuwezezya impiya zii zyakwe siluva.”