Kufuma 20:18 - Amazwi Yakwe Leza 2013

¹⁸ Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Kufuma 20:18 ပူးပေါင်းရင်းမြစ်များ

Utandiko 15:17

Lino ilanzi lyawa na kakuku katola, mu kupumikizya kuloleka icinga icikusuka umoto ni cisonsololwa cikwaka, vii vyoili ala vili pakasi ka vimpilinsya vya nyama zizi.

Utandiko 3:10

Umonsi nawe aasuka ati, “Inuvwa mutinti wako mu calo, pali pakuvwa intete, nafisama pano indi tupu.”

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Yelemiya 23:23

“Uzye nene Leza uwaya sile umupipi? Uzye nemo nsi Leza uwaya apali ponsi? Ivyalanda Yawe.

Malango 18:16

“Pa wanda uno mwakongine pa Mwamba wa Holebu, mwemo mwapapasile ukuti mutuvwa kuno Yawe akulanda nanti kulola cimbilimbili cakwe ca moto cakoofya, pamulandu wakuti mwali ni ntete zyakuti mungafwa.

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

Malango 5:23

“Lino muvwile izwi ukufuma mu mfinzi, ala na pa mwamba ponsi pakulunkuma umoto, ali lino intunguluzi zya mitundu inu pamwi na makombe yapalime kunondi

Malango 5:25

Ale lyene pacani cino tungafwila? Umoto uu uwakoofya umatulovya, nga ndi tuvwa nupya izwi lyakwe Yawe Leza witu, ale tumafwa.

Malango 5:27

Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’

Malango 5:5

Pa nsita ilya, ali lino nemo nimilile apakasi kinu na Yawe kuti imunene vino wene wavwanzile, pamulandu wakuti mwemo mutakwezile pa mwamba pano mutukanga umoto. “Yawe wavwanzile ati,