Kufuma 20:12 - Amazwi Yakwe Leza 2013

¹² “Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Kufuma 20:12 ပူးပေါင်းရင်းမြစ်များ

Utandiko 48:12

Lyene Yosefu afumya alumendo pa makokola yakwe Yakobo nga afukama pansi afupime inkolelo yakwe.

Utandiko 50:12

Caleka ana yakwe Yakobo aonsi iyacita wakwe vino Yosefu wapeezile ilamulo.

1 Yamwene 2:19

Alino Batisyeba aya ku mwene Solomoni ku kuya uzizya Adoniya. Solomoni akatuka kuti akomenkane nawe, alino akontama, nga aikala pa cilimba cakwe ica wene. Alino atuma akuyaletela nyina icilimba, nga nawe aikala penepo lwa kwikasa lyakwe lilunji.

2 Yamwene 2:12

Elisya lino walola kweneko, atandika ukupuunda ati, “Iye mwe tata wane mwe! Tata wane mwe! Kakulula wa ina Izlaeli we! Fwandi wapita, icumi!” Ali vino Elisya atatazile alola Eliya nupya. Elisya ali pakulepula ikoti lyakwe ulanda ulanda.

Kufuma 21:15

“Wino wensi uuma isi nanti nyina alinzile ukukomwa.

Kufuma 21:17

“Wino wensi uwatuka isi nanti nyina alinzile ukukomwa.

Mapinda 15:5

Iciwelewele cikasuula ukusunda kwakwe isi, lelo wiyo akafukila ukukalipilwa ali wino wacenjela.

Mapinda 17:6

Icilongwe ca yakote, ana ya ana yao. Ucindami wa ana, aisi.

Mapinda 20:20

Wino uwatipwila isi nanti nyina, ulukozyo lwakwe lulazima pakafite nafititi.

Mapinda 28:24

Umuntu akaiya ivyakwe isi nanti nyina, avwanga ukuti asi iifyo, wiyo kwene ali muze wa cipondo.

Mapinda 3:16

Amano yakalenga ukuti umuntu alengele pano nsi, yakalenga nu kuti aye umukama, nga nu kumucindamika.

Mapinda 30:11

“Kwaya insiki imwi ino ikatipwila isi nu kukana polelela nyina.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Yelemiya 35:18

Yelemiya ali pakunena uluko lwa ina Lekabu ati, Yawe Wamaka yonsi, Leza wa ina Izlaeli wavwanga ukuti, “Pamulandu wakuti mukawaka ilamulo lya cikolwe cinu Yonadabu, mukalondela na masunde yakwe yonsi nu kucita vyonsi vino wamunenyile,

Yelemiya 35:7

Mutaezya kukuula amang'anda, nanti kukomela imbezu, mutalema ivilimwa vya matingi nanti kulima vyalo. Mwaikala sile mu mataalu mu umi winu onsi apakuti muce mwikale amanda avule mu mpanga ino mwaya wa alendo.

Ezekelo 22:7

Mu musumba uu mutaya nanti wenga akacindika akwasi yakwe. Wemo ukacenjezya aenyi, nupya ukafyenga yamukamfwila na ana asyale.

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Aina Levi 19:32

“Mwalanga umucinzi ku ikolo nu kuyacindika. Mwaoopa nu kunjela. Nene indi Yawe.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Mateo 19:19

wacindika so na nyoko, nga nu kutemwa umuzo vino nawe waitemwa.”

Mako 10:19

Wamanya masunde akati, Utakoma, utalongozya, utaiya, utatumpwila umuzo, utacenjezya, wacindika so na nyoko.”

Mako 7:10

Pano Mose wakonkomizye ati, ‘Cindika so na nyoko. Wino wensi uwatuka isi nanti nyina, alinzile ukufwa.’

Luka 18:20

Wamanya Masunde yakwe Leza akati, ‘Utalongozya, utakoma, utaiya, utatumpwila umuzo, wacindika so na nyoko.’”

Efeso 5:21

Mwatontelana pamulandu wa kucindika Klistu.

Malango 11:8

“Caleka mwayela amalamulo yonsi yano nkumupeela ilelo, pakuti muce mukwate amaka aku lamba Luzi lwa Yodani nu kupoka impanga ino ilaya iyakwinu.

Malango 11:9

Na pakuti muce mwikale amanda avule mu mpanga ino Yawe walavile ukupeela ivikolwe vinu na amu mupanda wao, impanga iya uzombozi ukulu cuze nupya iivunde.

Malango 21:18

“Nga ndi cali umuntu umwi akweti umwana umonsi wino wakoma umwenzo nupya acisanguka, umwana wino atanga ayele akwasi yakwe, nanti angala yakamusunda.

Malango 25:15

Mulinzile ukukwata vipimilo vya mpomvu, pakuti mukikale amanda avule mu mpanga ino Yawe Leza winu akumupeela.

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 32:47

Amasambilizyo yaa yasi amazwi asilesile, lelo yene ali umi winu kwene. Mwayayela, pakuti lyene muce mwikale amanda avule mu mpanga ilya mu mbalama yakwe Yodani ino mwasya mupoke nu kwikala mwenemo.”

Malango 4:26

Nemo naama amu mayulu na apano pansi ukuya yakambone akumusinila ilelo ukuti, ndi mwakana ukuyela nene, ale lyene mulalowa zuwazuwa pa mpanga ilya. Mutalalengela ukwikala mu mpanga ilya iya ku mbalama ya Luzi lwa Yodani, ino mwasya mupoke nu kwikala mwenemo. Mulononwa pyu.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Kolose 3:20

Mwe ana, namwe umulimo winu kuyela akwasi inu lyonsi, pano cii cikazanzya Leza.

Luti 3:6

Acino Luti akatuka atentemukila ku lwano lwa kupuulila nu kucita vivi kwene vino nyinavyala watamunena.

1 Samueli 22:3

Lino Davidi wafuma kuku pali pakuya ku Mizipa umu mpanga ya ina Moabu. Alino anena umwene wa ina Moabu ati, “Napapata leka yamayo na yatata yikale kuno kwene mpaka intale imanye vino Yawe akalonda ukuncitila.”