Kufuma 20:10 - Amazwi Yakwe Leza 2013

¹⁰ Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti iviteekwa vyako, nanti mwinamasi wino akaikala mu mikalo yako.

Kufuma 20:10 ပူးပေါင်းရင်းမြစ်များ

Neemiya 10:31

Nupya ndi cakuti ainamasi yiza muno mpanga ni vyakuculuzya, vingaya ingano, ukwiza tukazya pa wanda wi Sabata, tutalezya tukale pa wanda uo nanti apa wanda uze uwamuzilo. Cila mwaka wakwe cinimbali vyalo vitu vilalaaluka, nupya tulafuta inkongole zyonsi.

Kufuma 16:26

Mulinzile mwakolonganika ivyakulya mu manda mutanda. Lelo pa wanda uwalenga cinimbali, uwanda wa kupuza, ivyakulya visiizanwako.”

Kufuma 31:13

“Nena aina Izlaeli ukuti yalinzile yasunga Sabata, uwanda wane wakupuza, pamulandu wakuti wene cimanyililo ca manda pe pakasi kane namwe nga na izikulu inu, cakulanga ukuti nene indi Yawe wino akamuzilizya.

Kufuma 34:21

“Mwaomba imilimo mu manda mutanda, lelo pa wanda uwalenga cinimbali, mutaomba mulimo uli onsi, nanti pa nsita ya kulima nanti pa nsita ya kuzombola.

Kufuma 35:2

mwaomba imilimo inu mu manda mutanda. Lelo uwanda uwalenga cinimbali, uwanda wi Sabata, wene uwanda winu wa kupuza, uwapaatwilwa kuli Yawe. Muntu ali wensi uwaomba imilimo pa wanda kwene uu alakomwa.

Ezekelo 14:7

“Ndi cakuti umuntu ali wensi, mwina Izlaeli ali wensi nanti umwinamasi wino akwikala pakasi kao, wakana nene nu kwika umwenzo wakwe pa tuluwi twakwe, nga nu kwika amanso yakwe pa vintu vyuze vyakupumika kweneko, umuntu wiyo ndi wiza ku kuuzya kunondi, kupitila muli kasema, ne Yawe ndamwaasuka nemwisikulu.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Luka 23:56

Alino yaswilila kumwao, yateyanya vya mununko usuma nga na mafuta acinunu cisuma. Lelo pa Sabata yapuza, kulingana ni sunde.