Kufuma 2:24 - Amazwi Yakwe Leza 2013

²⁴ Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

Kufuma 2:24 ပူးပေါင်းရင်းမြစ်များ

Utandiko 15:13

Lyene Yawe amunena ati, “Cumi manya vino amu mupanda wako yalaya alowezi mu mpanga yacilendo kuno yalaya yakaye azya nu kucula pa myaka imyanda ini.

Utandiko 16:11

Nupya mungeli wilya amunena ati, “Watusenda indilwa nga ulavyala umwana umonsi, ulamutemela izina Isumeli, pamulandu wakuti Yawe watauvwa ukulilizika kwako.

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Utandiko 18:18

Amu mupanda wakwe yalaya uluko lukulu nupya ulwa maka, ni mitundu yonsi yamu nsi ilanguzya kuti njipolelele ndi vino namupolelela.

Utandiko 22:16

nga amunena ati, “Ivyalanda ne Yawe: Nalaya umwi zina lyane ukuti ndakupolelela cuze, pano wazumila ukupeela kunondi umwana wako umonsi ali sile wenga.

Utandiko 26:2

Lyene Yawe aloleka kuli Isaki, avwanga ati, “Utapita ku Eguputo, lelo ikala mu mpanga kwene ii, muno nakunena ukwikala.

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 26:3

Tala ikala kuno kwene, nga namakupolelela nupya namaya nawe. Ndapeela impanga ii yonsi kunuli nu ku amu mupanda wako. Ndafikilizya ulayo uno nacisile kuli so Abulaamu.

Utandiko 32:28

Lyene umuntu wilya ati, “Izina lyako litalaya nupya Yakobo, pano watulwisyanya na Leza na antu, nga watucimvya. Caleka izina lyako ndakai waya Izlaeli.

Utandiko 35:11

Nupya Leza ati, “Nene Leza Wamaka yonsi. Mulinzile kuvyalana muvule. Inko izingi zilafuma munuli, nga ulaya cikolwe ca ene.

Utandiko 35:12

Ndakupeela impanga ino napiile Abulaamu na Isaki. Ndaipela nu ku amu mupanda wako icisila cako.”

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.

2 Yamwene 13:23

Lelo Yawe lyonsi kwene wayanga na mizu apa ina Izlaeli. Wene atalondanga ukuyakoma. Lyonsi wayatuulanga pamulandu sile wa cipangano cino wapangine na Abulaamu, na Isaki, na Yakobo. Wene atatala watazyela antu yakwe foo!

Masamu 102:2

Utafisa usyu wako kunondi apa wanda wa kucululuka kwane. Teya ukutwi kunondi kuti unguvwe, ungasuke zuwa-zuwa lino nkukulaizya.

Masamu 102:20

apa kuvwa vino azya yakuteta, na pakutuula yayo yano walanga yapingwilwa ukufwa.

Masamu 105:42

Pano wiusyanga ulayo wakwe uwamuzilo uno wanenyile Abulaamu umuomvi wakwe.

Masamu 106:45

Wiusyanga ulayo uno walaine nayo, ali pakuyuvwila inkumbu, pamulandu wa luse lwakwe ulukalamba.

Masamu 138:3

Uwanda uno nalaizye wanguvwile, wandundile na maka.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Masamu 22:5

Awewe vyalililanga nawe ala ukuvipususya. Vyakutailanga nga vitaicuzizye awe.

Masamu 79:11

Uvwa vino antu umu uzya yakukuuta! Uku maka yako, si ule utuule antu yano wapingwila ukufwa.

Kufuma 6:5

Kuluta pali cii, ndakai natinuvwa kuteta kwa ina Izlaeli, yano aina Eguputo yateeka uzya. Ntilila upangano wane kunoyali.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Milimo 7:34

Nati ndola kucula kwa antu yane mu Eguputo. Nati nuvwa kulila kwao kwa kuilizyanya. Caleka nati niza kuti njakulule. Lyene iza, kuti nkutume ku Eguputo.’

Yakapingula 2:18

Lyonsi lino Yawe wapeela aina Izlaeli intunguluzi, wene wali pamwi ni ntunguluzi ilya nga ayatuula ku anisi yao umu nsita yonsi iya umi wa ntunguluzi ilya. Pasi pano Yawe wali na mizu panoyali lino yakunyunguluka pa kuzunyiwa nu kucuziwa na anisi yao.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”