Kufuma 2:23 - Amazwi Yakwe Leza 2013

²³ Lino papita imyaka ivule, umwene wilya waku Eguputo afwa. Lelo aina Izlaeli ala yacili yakucula mu uzya, nga inkuta yao yuvwika kuli Leza.

Kufuma 2:23 ပူးပေါင်းရင်းမြစ်များ

Utandiko 16:11

Nupya mungeli wilya amunena ati, “Watusenda indilwa nga ulavyala umwana umonsi, ulamutemela izina Isumeli, pamulandu wakuti Yawe watauvwa ukulilizika kwako.

Utandiko 4:10

Alino Yawe amuuzya ati, “Uzye pacani cino wacita icintu cii ciipisye? Uwazi wa munyonko ukulila kunondi ukufuma mu musili, wi zwi ilikulilila cilanduzi.

Neemiya 9:9

“Waweni intazi nu kucula kwa vikolwe vitu umu Eguputo. Wuvwile ni mpoma zyao, kuli Yemba Muyenzu.

Yobo 35:9

Antu yakuilizyanya pamulandu wakufyengelekeziwa. Nupya yakulila impoma pa ukakasi wakwe yayo avimaka.

Masamu 102:1

We Yawe, uvwa ukwi pepo lyane, uuvwe nu kulila kwane ungavwe

Masamu 102:2

Utafisa usyu wako kunondi apa wanda wa kucululuka kwane. Teya ukutwi kunondi kuti unguvwe, ungasuke zuwa-zuwa lino nkukulaizya.

Masamu 12:5

Pamulandu wakuzunya alanda, Yawe nawe wavwanga wati, “Namakatuka, intuule nu mulanda akufyengwa, nu mupina akuilizyanya. Namapususya yayo akapunda kunondi!”

Masamu 18:6

Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.

Kufuma 1:14

Umi wa ina Izlaeli wali uwakucululuka pamulandu wakuti aina Eguputo yayakulizyanga ukuomba incito ikome mu kutama injelwa nu kukanda indaka mu makuule nga nu mu milimo yamu vyalo vyao kwaula ukuya nu luse panoyali.

Kufuma 4:19

Lino Mose acili mu mpanga ya Midyani, Yawe amunena ati, “Swilila ku Eguputo, pano yano yonsi alondanga ku kukoma yatiyafwa.”

Kufuma 6:5

Kuluta pali cii, ndakai natinuvwa kuteta kwa ina Izlaeli, yano aina Eguputo yateeka uzya. Ntilila upangano wane kunoyali.

Kufuma 6:9

Mose anena aina Izlaeli vintu vii, lelo yene yakana kuvwa amazwi yakwe, pamulandu wakuti yalanga yatiyafita mpiti ku mwenzo pa milimo yao iya uzya.

Kufuma 7:7

Pa nsita ino yavwanzile kuli Falao, Mose wali ni myaka amakumi cinani, nga Aaloni nawe wali ni myaka amakumi cinani na itatu.

Ezaya 19:20

Ivintu vivyo vilaya vili viusizyo ivyakwiusizya ukuti Yawe Wamaka yonsi waya mu Eguputo. Nu kuti antu ndi cakuti yazanzwa, alino yapunda tutulwe kuli Yawe, ale lyene alayatumila umwi uwakuyapususya.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Milimo 7:30

“Pacisila ca myaka makumi yani, mungeli aloleka kuli Mose mu cimbilimbili ca moto mu cimpuza mu lwanga, mu pipi nu Mwamba wa Sinai.

Malango 24:15

Cila wanda lino ilanzi litali liwe ulinzile kumulipa, pamulandu wakuti wene umupina nupya akupaalila kulipilwa. Pano limwi angailizyanya kuli Yawe nga nawe ungapelwa umulandu wa kwifya.

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.

1 Samueli 12:8

Lino Yakobo na ana yakwe yatentemukile ku Eguputo, yene yalilile kuli Yawe kuti ayazwilizye, nga Yawe pali pakutuma Mose na Aloni, yao ayafumizye mu mpanga ya Eguputo iyayaleta yikala mu ncende ii.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”