Kufuma 19:9 - Amazwi Yakwe Leza 2013

⁹ Lyene Yawe anena Mose ati, “Namaiza kunuli mwi kumbi linyome pakuti antu iize yayuvwile kuno nkulanda nawe, na pakuti lyene yakutaila amanda pe.” Lyene Mose anena Yawe vino antu yaasuka.

Kufuma 19:9 ပူးပေါင်းရင်းမြစ်များ

1 Yamwene 8:12

Solomoni pali pakutandika ukupepa ati, “Uwi we Yawe! Awewe wika ilanzi mu lwelele. Lelo wasolola ukwikala umwi kumbi lifite fititi.

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

2 Milandu 6:1

Alino Solomoni avwanga ati, “Yawe wavwanga ukuti amaikalanga mwi kumbi litifi.

Masamu 97:2

Amakumbi ni mfinzi vyamulilizya. Icumi nu ulungi ivikatungililila icilimba cakwe.

Masamu 99:7

Yalandanga nawe umu kwimba, nga nayo yatontelanga amasunde yakwe yano wayapeelanga.

Kufuma 14:31

Lino aina Izlaeli yalola maka yano Yawe waomvya pa kucimvya aina Eguputo, iyatandika koopa Yawe. Pali cii aina Izlaeli yataila Yawe na Mose muomvi wakwe.

Kufuma 19:16

Katondo pa wanda uwalenga yatatu kwali kupangalansya nu kumyansya, nga ni kumbi linyome pa mwamba. Kulila kukulu cuze kwa ntandala kuvwika. Antu yonsi pa nsakwe yazakaza ku ntete.

Kufuma 20:21

Lelo antu yatwalilila kwimilila kutali. Suka sile Mose aliwe apalama kwi kumbi linyome litifi, kuno Leza wali.

Kufuma 34:5

Lyene Yawe aika mwi kumbi, aimilila pipi na Mose alino alumbula zina lyakwe lyakuti Yawe.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Kufuma 4:5

Alino Yawe anena Mose ati, “Ukacite cii kuti aina Izlaeli yakasininkizye ukuti Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo wataloleka kunuli.”

Ezaya 19:1

Amazwi asowilwe pamulandu na Eguputo. Yawe ali api kumbi ilikupita ulwilo, wene akuya ku Eguputo. Utuluwi twaku Eguputo tukuzakaza sile uku ntete apa manso yakwe, nga aina Eguputo nayo kwene caticiyaputula umusana.

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

Mpendwa 12:5

Lyene Yawe ali pa kwika mu mvumba yi kumbi nu kwimilila pa mulyango wi Taalu. Alino aama Milyamu na Aloni, nayo yapalama kunoli.

Mateo 17:5

Lino acili akuvwanga, ikumbi liyengese cuze liyavimba, ni izwi lyuvwika kufuma mwi kumbi liti, “Wii, Mwanane mukundwe. Munoli nkuzanga cuze. Mwamuvwa.”

Mako 9:7

Lyene ikumbi liiza liyavimba, ni zwi lyuvwika kufuma mwi kumbi liti, “Wii, Mwanane mukundwe, mwamuvwa!”

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Malango 4:10

ukuyanena ivya pa wanda uno mwemo mwimilile pa manso yakwe Yawe Leza winu apisika ya Mwamba wa Holebu, lino wene wavwanzile kunondi ati, ‘Konganika antu. Nkulonda kuti yuvwe vino namayanena, pakuti yasambilile ku nkwatila icoopo nu kuncindika mu manda yonsi yano yalikala mu mpanga na pakuti yasambilizye ana yao ukucita icili conga kwene.’

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.

Umbwilo 1:7

Lolini, wene akwiza mu makumbi! Antu yonsi yalamulola, pamwi na yao kwene amutosile mu mbazo. Antu yonsi pano nsi yalalosya pamulandu na aliwe. Vii avino cilaya.