Kufuma 19:6 - Amazwi Yakwe Leza 2013

⁶ Mulaya antu akuntumikila wakwe yasimapepo. Mumayanga umutundu wamuzilo. We Mose, yaa ali mazwi yano ulinzile ukunena aina Izlaeli.”

Kufuma 19:6 ပူးပေါင်းရင်းမြစ်များ

1 Yamwene 3:8

Ne muomvi winu indi pakasi ka antu inu yano mwasolola, antu aingi wakwe cimwi cakuti yatangapendwa.

1 Yamwene 8:53

Wemo awewe watusolola pa mitundu yonsi pakuti tuye antu yako, sweswe sile, ndi muno watunenyile kupitila muli Mose umuomvi wako, lino we Yawe Simwandalali wafumizye ivikolwe vitu mu mpanga ya Eguputo.”

1 Milandu 17:22

Walenga aina Izlaeli kuti yaye antu yako amanda pe, nu kuti nawe uye Leza wao.

Masamu 114:2

alino Yuda wasangwike ncende yamuzilo yakwe Leza, aina Izlaeli yasangwike antu amu wene wakwe.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 22:31

“Mwemwe antu yane. Caleka mutalinzile ukulya inyama ya citeekwa cino cakomwa ni cilyanyi ca mpanga. Inyama iyo mupeele kuli yasimbwa.

Kufuma 28:36

“Upange iciyembelo cakwe zaabu musuma cuze, ulembepo wakwe vino musyanyi akalemba pa vyela, amazwi yakuti ‘Camuzilo kuli Yawe.’

Ezaya 43:4

Pano kunondi wemo wacindama wakwe cimwi, ali cino ndakukauzya na antu. Pano wewe wamutengo ukulu pa manso yane, nupya nakutemwa ndakauzya umi wako ni mitundu ya antu.

Ezaya 61:6

Alino mwemo mulaamwa yasimapepo yakwe Yawe, mulaamwa yaomvi yakwe Leza witu. Mwemo mumailyokezyanga sile mwenga, apa vyuma vya mitundu yuze, ali muno mumaitakizyanga.

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Ezaya 66:21

“Muli yayo ali muno ndasolola yamwi nu kuyacita yasimapepo na ina Levi. Kuu kuli kulanda kwakwe Yawe.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Yelemiya 2:3

Izlaeli wali uwakwane nene sile nenga. Wene wali icuma cane camuzilo. Wiyo wensi wino cala cakumba wamuzanza, ala wene wailetelela sile wenga. Ivyalanda Yawe.”

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Aina Levi 20:24

Lelo nalaya ukupeela mwemwe impanga iyi ziya nu uci kuti iye iyakwinu. Ndapeela impanga iyo kunomuli. Nene indi Yawe Leza winu. Namupaatula ukufuma mu nko zyonsi.

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Aina Levi 21:23

Lelo pamulandu wakuti umuntu wiyo akweti ulema, atalinzile kupalama pipi ni nsalu yakucingilila iyamuzilo nanti ukuya ku kavuwa. Atalinzile kulenga vintu vii ukuya vyamifitalila, pamulandu wakuti nene indi Yawe, nupya nene nkalenga kuti vintu vivyo viye vyamuzilo.”

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Hagai 2:5

Mutuvwa intete awe, pano umupasi wane uli pano muli kuti umwazwe muli vyonsi vino mukucita ndi vino nalavile lino namufumizye umu Eguputo.”

Mpendwa 16:3

Awe mukwai yonsi yao iyakonganila Mose na Aaloni iyayanena yati, “Awe lyene cafula! Antu yaa yonsi akwe Yawe, nupya Yawe ali naswe kwene swensi. Uzye lyene pacani cino wemo Mose ukuyuvwa nu kuika papeela ukucila umuntu wensi umwi uvi lii?”

Loma 12:1

Caleka inane, pamulandu uno Leza watuyela mizu cuze, nkumupapata kuti mupele mili inu kunoli wa mpolelwa zya umi, nu kuipelesya mu kumuombela nu kumuzanzya. Kuu, kuli kupepa kwa cumi kuno mulinzile mwacita.

1 Kolinto 3:17

Caleka umuntu umwi ndi wonona Ng'anda ikulu yakwe Leza, Leza nawe alamonona. Pano Ng'anda ikulu yakwe Leza yene iya muzilo, nga mweisikulu mwemwe muli Ng'anda ikulu yakwe Leza.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Malango 28:9

“Ndi cakuti mwayela Yawe Leza winu nu kucita vyonsi vino akumupeela ilamulo kuti mucite, ale lyene alamucita ukuya antu yakwe kololo, wakwe vino walaya.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

1 Tesalonika 5:27

Mwi zina lya Mwene nemo nkumukonkomezya kuti muwelenge kalata wii, kuli yonsi ataila.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 1:6

nupya watucita kuya yakateeka na yasimapepo mu kutumikila Leza Isi wakwe. Lulumbi na maka vipelwe kuli Yesu Klistu manda pe! Ameni.

Umbwilo 20:6

Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.

Umbwilo 5:10

Wemo wayacita kuya yakateeka na yasimapepo akatumikila Leza witu, yene yalateeka pano nsi.”