Kufuma 19:5 - Amazwi Yakwe Leza 2013

⁵ Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Kufuma 19:5 ပူးပေါင်းရင်းမြစ်များ

Utandiko 17:9

Leza anena Abulaamu ati, “Nawe kwene ulinzile ukuzumila kufikilizya kusunga upangano wakwe nene nawe, nga na ana amu mupanda wako.

1 Yamwene 8:53

Wemo awewe watusolola pa mitundu yonsi pakuti tuye antu yako, sweswe sile, ndi muno watunenyile kupitila muli Mose umuomvi wako, lino we Yawe Simwandalali wafumizye ivikolwe vitu mu mpanga ya Eguputo.”

1 Milandu 17:22

Walenga aina Izlaeli kuti yaye antu yako amanda pe, nu kuti nawe uye Leza wao.

Yobo 41:11

Uzye aweni angiza ailizyanye pali nene, pano ivintu vyonsi pano pansi ivyakwane.

Yobo 41:3

Uzye kwene cingatala cikupapate, nanti ukukulyombeleka na mazwi afuke?

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Masamu 25:10

Inzila zyonsi zyakwe Yawe ulukundo ni cumi yayo akusunga upangano wakwe na masunde yakwe.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Kufuma 23:22

Lelo ndi muvwila wiyo kwene nu kucita vyonsi vino akumunena, lyene Nene kwene tulapatana na anisi inu, nupya wensi wino wapata mwemwe tulalozyanya nawe.

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 8:22

Lelo lino vizembele viliza vitalacuzya antu yane yano akaikala mu mpanga ya Gosyeni. Ndacita cii kuti usininkizye ukuti, Nene, ne Yawe, nkuomba mu mpanga ya Eguputo.

Kufuma 9:29

Mose anena Falao ati, “Lino namafuma sile muno mu musumba, namaya nkakatusye makasa yane nu kupepa kuli Yawe. Kupangalansya kumata, ni mvula ya mawe kutakuya, pakuti ungamanya ukuti insi iyakwe Yawe.

Lwimbo lwakwe Solomoni 8:12

Lelo ne mwisikulu naikwatila icalo ca matingi, We Solomoni uwapoka sile impiya zyako izimbi lyonga, na antu yano yakalinda iviseekwa vyamu calo, nayo yapoka impiya zyao imyanda iili.

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ezaya 41:8

“Lyene fwandi mwe ina Izlaeli mwe aomvi yane, mwemwe muli mutundu wa antu yano naisolwela ne mweneco. Mwemwe ana yakwe Abulaamu cuza wane.

Ezaya 43:1

Lelo ndakai, Yawe uwakuumvile we Yakobo, wiyo uwakupanzile we Izlaeli, akuti, “Utuvwa intete, pano natinkukulula, nakwama ukwi zina, wewe wakwane.

Ezaya 56:4

Ala nemo ne Yawe nkunena yamutungwi yayo inti, “Mwemo ndi cakuti mumancindikanga pamulandu wa kwika amano ku kucindika Sabata, mwatandika nu kucita vino nkalonda, mumasunga ningo nu upangano wane,

Yelemiya 10:16

Leza wakwe Yakobo atakoline nato. Wene uwaumvile ivintu vyonsi. Nupya aliwe kwene wasolola aina Izlaeli kuti yaye antu yakwe kololo. Izina lyakwe a Yawe Wamaka yonsi.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Aina Levi 20:24

Lelo nalaya ukupeela mwemwe impanga iyi ziya nu uci kuti iye iyakwinu. Ndapeela impanga iyo kunomuli. Nene indi Yawe Leza winu. Namupaatula ukufuma mu nko zyonsi.

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

Amosi 6:1

Kalanda kuno muli mwemuno mwaiteeka katungalala kuko ku Zioni, na kuli mwemuno mutakwaziwa mu myenzo kuko ku Samaliya. Kalanda kuno muli mwe akama pakasi ka ina Izlaeli, mwemuno antu yonsi yakaiza kunomuli kuti muyazwe!

Malaki 3:17

Yawe Wamaka yonsi wavwanga wati, “Antu yayo yalaya akwane. Pa wanda uwo lino ndacita cimwi, yene yalaya akwane kololo. Ndaya na mizu kunoyali ndi vino umukwasi akaya na mizu ku mwanakwe wino akamutumikila.

1 Kolinto 10:26

Pano calembwa mu malembelo cati, “Insi nga na vyonsi ivyaya mwenemo ivya Mwene.”

1 Kolinto 10:28

Lelo umwi ndi wamunena wati, “Vyakulya vii, vyapeelwa impolelwa ku tuluwi,” lyene mutalya vyakulya vivyo, pamulandu wakuntaleta intazi kuli wiyo uwatamunena nga na pamulandu wa kuntasakamika myenzo inu.

Malango 10:14

“Silola, Yawe ali mweneco wi yulu, kumwi ni lya papelapela kwene ni vyaya mwenemo, nga ni nsi kumwi na vyonsi kwene ivyaya mwenemo.

Malango 11:27

upolelelo umaya uwakwinu ndi mumayela amalamulo yakwe Yawe Leza winu yano nkumupeela ilelo.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Malango 28:1

“Ndi cakuti mwaca mwayela Yawe Leza winu muli vyonsi nu kutekela apakulondela amalamulo yakwe yonsi yano nkumupeela ilelo, ale lyene Yawe Leza winu alamucita ukuya uluko lumwi ulukulu ukuluta inko zyonsi pano nsi.

Malango 28:9

“Ndi cakuti mwayela Yawe Leza winu nu kucita vyonsi vino akumupeela ilamulo kuti mucite, ale lyene alamucita ukuya antu yakwe kololo, wakwe vino walaya.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 5:2

Yawe Leza witu wapangine upangano naswe pa Mwamba wa Holebu.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.

Ayebulai 8:9

Utalaya wa upangano uno napanzile ni vikolwe vyao pa wanda uno nayatozile ni kasa lyane nu kuyatungulula kuyafumya mu Eguputo. Yene yatali acumi ku upangano uno nacisile nayo. Caleka ntasumvile mano kunoyali.

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.