Kufuma 18:8 - Amazwi Yakwe Leza 2013

⁸ Lyene Mose alondolwela Yetulo vyonsi vino Yawe wacisile kuli Falao nu ku ina Eguputo, pakuti apususye aina Izlaeli. Nupya amulondolwela vino Yawe wayazwilizye mu ucuzi wao onsi, na vyonsi vino Yawe wacisile pa kuyatuula.

Kufuma 18:8 ပူးပေါင်းရင်းမြစ်များ

Utandiko 44:34

Ntangaswilila ku muzi kuli tata ndi insi nu mulumendo. Ntangatemwa kulola tata mu ulanda lino ungamucitikila.”

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Masamu 106:10

Wayapuswisye umu makasa yakwe yayo ayazunyizye, wayatuula umu makasa ya mwanisi.

Masamu 106:8

Lelo wene wayapuswisye pamulandu wa ulayo wakwe apakuti alanga amaka yakwe alulumbi.

Masamu 107:2

Yano Yawe wakulula, ali vino kayavwanga, yayo yano wakulwile umu makasa ya anisi yao.

Masamu 66:16

Mwe! Mwemwe mwensi mwe muno mwakwatila Leza icoopo, ndanji muvwe, namamunena vino Leza wancitila.

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Kufuma 15:6

“Iye we Yawe, ikasa lyako lilunji ilya ulamba wakoofya, lyene likavungola umwanisi wako.

Kufuma 16:3

Liyanena liti, “Ngani cazifile kuti Yawe aleke tufwile mu Eguputo. Kuku twalyanga inyama ni vyakulya vyuze tukwikuta. Lelo mwatuleta mu lwanga kuti swensi tufwe ni nzala.”

Kufuma 18:1

Yetulo, simapepo waku Midyani, sivyala wakwe Mose, auvwa vyonsi vino Yawe Leza wacitile Mose na antu yakwe aina Izlaeli, lino walenzile kuti yafume mu Eguputo.

Kufuma 2:25

Leza alola ucuzi wa ina Izlaeli, nga asakamala kuti ayazwe.

Kufuma 23:23

“Mungeli wane alakolela ku nkolelo inu, nupya alamutungulula ku mpanga ya ina Amoli, aina Hiti, aina Pelizi, aina Kenani, aina Hivi nga na Yebusi, nupya ndayonona yonsi.

Kufuma 4:23

Nakunenyile ukunena umwana wane umonsi iyeli apite pakuti angampepa, lelo wemo wakanyile. Cisuma! Ndakai namakoma umwana wako umonsi nupya iyeli.’ ”

Kufuma 7:4

Lyene ndaomvya maka yane pa kuvunuka cuze aina Eguputo. Alino ndatungulula imitundu ya ina Izlaeli ukufuma mu mpanga ya Eguputo.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Mpendwa 20:14

Ukufuma ku Kadesyi Mose atuma inkombe ati, “Ku musambazi, umwene waku Edomu, munyonko Izlaeli wavwanga ukuti wamanya mpiti ningo sana amasyamo yonsi yano yatuponela.