Kufuma 18:12 - Amazwi Yakwe Leza 2013

¹² Lyene Yetulo aleta uwila wakoca nga na mawila yauze akupeela impolela kuli Leza. Nga Aaloni ni ntunguluzi zya ina Izlaeli zipita nawe pa manso yakwe Leza, ku kulya cimulo pamwi na Yetulo sivyala wakwe Mose.

Kufuma 18:12 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 26:25

Isaki akuula kavuwa kuku nga apepa Yawe. Nga aimika itaalu lyakwe, na aomvi yakwe yimba ni cifula.

Utandiko 26:30

Isaki ayateyanyizizya cimulo, nga yalya nu kumwa.

Utandiko 31:54

Akoma ni nyama, nga apeela impolelwa pa mwamba, aama na antu yakwe ku cakulya. Alino yalya nga pacisila yalala indo pa mwamba papela.

Utandiko 4:4

Lelo Abeli asenda ana mayeli ya mfwele zyakwe, ayafyula nga apeela uwila viputulwa vya mafuta. Yawe azanga muli Abeli nu mu wila wakwe kwene.

Utandiko 43:25

Yatoola vya mawila yateyanya vyakupeela kuli Yosefu lino amaiza musanya, pamulandu wakuti yayanenyile ukuti yamaiza yaliile pamwi nawe.

Utandiko 8:20

Lyene Nowa akuulila Yawe kavuwa nga atoola conga ca musango onsi wa nyama ni vyunyi visangululwe avipela impolelwa ya mawila yakoca pa kavuwa.

2 Samueli 9:7

Davidi nawe amunena ati, “Utuvwa intete, pano namakucitila uluse pamulandu wakwe so Yonatani. Namakuwezezya impanga yonsi iyali yakwe sokulu Saulo, nupya ulaimulwa api tebulo lyane lyonsi kwene.”

2 Milandu 30:22

Hezekiya nawe wataizye sana aina Levi pali ufundi wao uwa kutungulula umulimo wa kupepa Yawe. Pa manda cinimbali lino yalile vipande vyao nu kupeela amawila ya utandano nga nu kulumbanya Yawe, Leza wa vikolwe vyao. Pacisila ca manda cinimbali yano yapeelanga amawila kuli Yawe Leza wa vikolwe vyao,

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Yobo 42:11

Aina yakwe aonsi na yakaci yakwe yonsi, kumwi na yacuza yakwe ampiti, yiiza uku kumulola, nu kwiza ipakizya pamwi nawe umu ng'anda umwakwe. Ala yakumuvwila ulanda nu kumutekezya umwenzo apa macuzi yonsi yano Yawe wamuletile. Yonsi kwene, cila muntu, asya wamupeela impiya nga ni mbalaminwe yakwe zaabu.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Kufuma 18:13

Uwanda walondelelapo, Mose atandika kupingula imilandu pakasi ka antu. Antu yaleta imilandu kuli Mose ukufuma katondo mpaka na manguzi.

Kufuma 2:16

Nga alola akazyana cinimbali, ana yakwe Yetulo simapepo waku Midyani, yakwiza. Yene iizile ku kusemba amanzi kuti yazuzye milangu, nga yamwesye imfwele ni mbuzi zyakwe isi.

Kufuma 2:20

Yetulo auzya ana yakwe ati, “Uzye pacani cino imwamusya umuntu wiyo ku cifula? Swililini mukamwame aize alye cakulya naswe.”

Kufuma 20:24

Nemo mwankuulila kavuwa kivu apano mwampeelela amawila inu akoca na autandano, imfwele ni mbuzi nga ni ng'ombe zinu. Pa ncende yonsi ino namunena kuti mwampepelapo, apano Nene namaizanga ku kumupolelela.

Kufuma 24:11

Leza atononyile intunguluzi zii, zya ina Izlaeli. Endi yamuweni Leza, lino yalola Leza alino lyene yalya nu kumwa capamwi.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Kufuma 33:7

Lyonsi lino aina Izlaeli yakukuula insakwe yao Mose nawe aya aimika Itaalu lyamuzilo katalamukila kunzi ya nsakwe. Lyene yalitemela izina lyakuti, “Itaalu lya Ukongano.” Ali wensi wino akulonda kuyauzya cimwi kuli Yawe afuma mu nsakwe aya kwi Taalu lya Ukongano.

Danieli 10:3

Ntalile cakulya nanti cimwi cisuma nanti inyama ili yonsi, nanti kumwa waini, nanti kusakula inyele mpaka lino imilungu ilya yapisile.

Mpendwa 10:29

Alino Mose anena Hobabu, mulamu wakwe, umwana umonsi wakwe Leweli umwina Midyani ati, “Twasya tukatuke ukuya ku mpanga ino Yawe watulavile ukutupeela. Fwandi uce utulondele nga naswe tulakusunga ningo cuze, pasi pano Yawe walaya aina Izlaeli ukuya nu longo pee.”

Luka 14:1

Pa Sabata limwi, lino Yesu waile ku kulya cakulya ku ng'anda ya Mufaliseo wino uwali intunguluzi, antu yauze yamucevya.

Luka 14:15

Lino wenga uwa muli yao atenzi pamwi nawe pa kulya uvwile cii, anena Yesu ati, “Walongo a wiyo alimulwa mu Wene wakwe Leza!”

1 Kolinto 10:18

Elenganyini pa ina Izlaeli. Yao akalya vyapeelwa impolelwa yakakumako ku kutumikila Leza pa kavuwa.

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Malango 12:7

Papa kwene pa manso yakwe Yawe ali pano mulalya nu kusansamuka na ang'anda zinu pamulandu nu usuma wa vintu vino Yawe Leza winu wamupeela, vino mwaombile.

Malango 27:7

Nupya ali pano muce mwapeelela na mawila inu autandano, nga mukayalile papa kwene nu kutaizya Yawe pa manso yakwe.