Kufuma 18:1 - Amazwi Yakwe Leza 2013

¹ Yetulo, simapepo waku Midyani, sivyala wakwe Mose, auvwa vyonsi vino Yawe Leza wacitile Mose na antu yakwe aina Izlaeli, lino walenzile kuti yafume mu Eguputo.

Kufuma 18:1 ပူးပေါင်းရင်းမြစ်များ

Masamu 105:43

Avino wafumizye antu yakwe ala yatiyasansamuka, asololwe yakwe ala yakumila nu tupundu.

Masamu 105:5

Mwe amu mupanda wakwe Abulaamu, mwemuno mukamutumikila,

Masamu 106:2

Aweni angatantawila ivicitwa vyakwe Yawe ivyakuzunguka, nu kusimika amalumbo yakwe yonsi?

Masamu 34:2

Namamuwanzyanga pali vino wacita. Ali pakuti na yayo kwene yano yakacula, yuvwe kweneko, yasansamuke!

Masamu 44:1

We Leza swemo twayuvwilile swenga na matwi itu, ivikolwe ali vino vyatulandile apa vintu vikulu vino wacisile umu nsita yao, umu manda yampiti.

Masamu 78:4

Tutafisanga ana itu foo, tumanenanga kweneko na yano yamatulondelelapo, apamulandu na maka yakwe Leza, na pa vicitwa vyamaka, nga na pa vintu ivyakuzunguka vino wacita.

Kufuma 2:16

Nga alola akazyana cinimbali, ana yakwe Yetulo simapepo waku Midyani, yakwiza. Yene iizile ku kusemba amanzi kuti yazuzye milangu, nga yamwesye imfwele ni mbuzi zyakwe isi.

Kufuma 2:18

Lino akazyana yalya yaswilila kwi taalu lyakwe isi, isi ayuzya ati, “Yanamwe, uzye pacani cino ilelo mwawela zuwa?”

Kufuma 2:21

Caleka Mose azumila ukwikala nayo kuku kwene. Yetulo amupeela Zipola umwana wakwe kuti aye umuci wakwe.

Kufuma 3:1

Uwanda umwi lino Mose wacemanga imfwele ni mbuzi zyakwe Yetulo, sivyala wino wali a simapepo waku Midyani, azitungulula nu kusalala mu lwanga mpaka afika ku mwamba wakwe Leza, uwa Holebu.

Kufuma 4:18

Pacisila cakwe vii Mose aswilila kuli Yetulo, sivyala, nga amunena ati, “Napapata nzumilizye nswilile ku akazi kane ku Eguputo kuti nkalole ndi yali mutende.” Yetulo amuzumilizya nga amupakasya nu kuti apite mutende.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Zakaliya 8:23

Yawe Wamaka yonsi wavwanga wati, “Mu manda yalya apa inamasi yonsi akaalanda indimi zipusanepusane, ainamasi ikumi yalaiza ku Muyuda wenga, nu kumunena yati, ‘Tukulonda tuye nawe, pano swemo tuvwa ukuti Leza waya kunomuli.’ ”

Mpendwa 10:29

Alino Mose anena Hobabu, mulamu wakwe, umwana umonsi wakwe Leweli umwina Midyani ati, “Twasya tukatuke ukuya ku mpanga ino Yawe watulavile ukutupeela. Fwandi uce utulondele nga naswe tulakusunga ningo cuze, pasi pano Yawe walaya aina Izlaeli ukuya nu longo pee.”

Milimo 14:27

Lino yafika mu Antioki, yakonganika iuvi lyonsi, yayalandila vyonsi vino Leza wayacitile, na vino wapile Akulukuwa isyuko kuti yataile.

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Loma 15:18

Ndapama nu kulanda sile pali vino Mwene Yesu Klistu wacita kupitila munondi pa kutungulula Akulukuwa mu kuyela Leza. Wene wacita cii mu mazwi nga nu mu micitile,

Yoswa 2:10

Tuuvwa vino Yawe wakamizye Yemba Muyenzu pakuti mulambe pa kufuma mu Eguputo. Tuuvwa na vino mwacisile kuli Siooni na Ogi, yamwene yalya yaili ya ina Amoli lwaku ufumondaka wakwe Yodani, yano mwakomile.

Yoswa 9:9

Lyene nayo yaasuka yati, “Musambazi, kwene swemo kuno twafuma ukutali sana, pamulandu wa kuvwa ululumbi lwakwe Yawe Leza winu. Pasi pano twatituvwa vyonsi vino wene wacisile umu Eguputo,

Yakapingula 1:16

Amu mupanda wa mwina Kenite, sivyala wakwe Mose, iyatumbela ukufuma mu musumba wa vikambalala pamwi na ina Yuda iyaya ku kwikala pakasi ka antu amu Lwanga lwa mpanga yakwe Yuda umu mpanga ya Negebu pipi nu ku Aladi.

Yakapingula 4:11

Pa nsita ili imwi kwene Hebeli umwina Kenite walanga wataimika itaalu lyakwe mu pipi nu ku Kedesyi mu pipi nu muti waku Zaananimu uno yakati muoko. Walanga wafuntuka ku ina Kenite yauze, amu mupanda wakwe Hobabu, mulamu wakwe Mose.