Kufuma 17:6 - Amazwi Yakwe Leza 2013

⁶ Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

Kufuma 17:6 ပူးပေါင်းရင်းမြစ်များ

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Masamu 105:41

Walepwile iciliwe na manzi yafuma mwenemo, yakonkolokela nu mu lwanga wa luzi.

Masamu 114:8

Wene wasangwile iciliwe ukuya wa cilambe ca manzi na mawe akome ndi ukuya tufukoka twa manzi.

Masamu 46:4

Kwaya uluzi lumwi ulukazanzya umusumba wakwe Leza, incende yamuzilo muno Leza Wapapelapela umweneco wikalamo.

Masamu 74:15

Awewe watulwile tufukoka nu tunguzi kuti vyakonkoloka. Awewe wumike ni nguzi izikalamba izisitala zipwa.

Masamu 78:18

Yezyanga Leza umwene uku mufulo sile, apa kumulenga icakulya cino yakulonda.

Masamu 78:20

Ukuya kwene wene uumile apa ciliwe, imufuma akaluzi. Uzye kwene ni cakulya naco angatupeela, atupeele ni cifwa, swe antu yakwe?”

Masamu 81:7

Lino mwacululukanga, mwandaizye, nani niza namupususya. Umwi kumbi lino lyapangalakansyanga, ali muno nafisime, nu kwasuka amuno namwasukilanga. Lino kwalolike amanzi ku Meliba ali kuno namumwesizye,”

Kufuma 14:16

Katusya intuwa yako ukonzolole ikasa lyako pali yemba. Amanzi yamapaatukana yaye kuu na kuu pakuti yapeele inzila ku ina Izlaeli kuti yapite mwenemo pa musili uume.

Kufuma 16:10

Lino Aaloni akunena iuvi lyonsi lya ina Izlaeli, nalyo ilisenukila ku lwanga, nga ililola uluswepo luyengese lwakwe Yawe mwi kumbi.

Ezaya 48:21

Lino Yawe wapisyanga antu yakwe umu lwanga, umukaye see uku cipuki, nupya umuume ndi, antu yakwe yataculanga ku lusala awe. Wene walenzile ukuti amanzi yafukoka umu ciliwe. Yawe walepwile iciliwe na manzi yapongwela.

Mpendwa 20:8

“Tola intuwa yako ino ili ku nkolelo ya Mbokosi ya Upangano, nga lyene wewe na Aaloni mukonganike iuvi lyonsi. Alino pa manso yao munene iciliwe cii cizwe amanzi yano cakwata nga na manzi yamapongoloka ukufuma munocili, akuti umwesye iuvi lyonsi ni viteekwa vyao.”

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

Malango 1:2

(Cikasenda amanda ikumi na onga ukupita ulwendo ukufuma ku Mwamba wa Holebu ukuya ku Kadesyi Banea ku nzila ya mpanga ya Edomu, ya myamba.)

Malango 8:15

Wene wamutungulwile mu lwanga lulu luwatuke muno mwali inzoka zya usungu na makalela ausungu. Wene wamupeezile amanzi ukufuma mwi we likome cuze mu mpanga ilya iyumalale nupya iyaula amanzi.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.