Kufuma 17:14 - Amazwi Yakwe Leza 2013

¹⁴ Lyene Yawe anena Mose ati, “Lemba vintu vii mu lupapulo kuti vikiusiwe, nupya unene Yoswa ukuti ndonona nu kulovya aina Amaleke yonsi pyu.”

Kufuma 17:14 ပူးပေါင်းရင်းမြစ်များ

2 Samueli 1:1

Pacisila ca mfwa yakwe Saulo, ali lino Davidi wawelulwike ku kucimvya aina Amaleke nu kwiza ikala ku Zikilagi pa manda yaili.

2 Samueli 8:12

Edomu, Moabu, Amoni, Filisti na Amaleke, ukwikapo ni visampwe vino wapokolwile kuli Hadadezeli umwana umonsi wakwe Leobu, umwene waku Zoba.

1 Milandu 4:42

Amu mutundu wakwe Simeoni nayauze ukufika ku mpendwa imyanda isano yaile ku ufumondaka wa Edomu. Yene yatungulwilwe na ana aonsi yakwe Isyi. Amazina ya ana yao a Pelatiya, Nealiya, Lefaya na Uzieli.

1 Milandu 4:43

Kuku akuno yakomile aina Amaleke asile yayo yano alanga yutuka, nga ukufika na ndakai kwene akuno yakaikala.

Ezila 9:14

Uzye pacani cino tungilila amasunde yako nupya nu kutandika ukutwalana na inamasi? Ndi tungacita cico, lyene wemo ulatulovya swensi pyu.

Yobo 18:17

Pano nsi napo, pataya nanti wenga uwa kumwiusya. Ni zina lyakwe mpaka liponge, litakawele umu ng'anda ili yonsi muno nsi.

Yobo 19:23

“Owe mwe! Kalanda kasi kolo! Ningatemwa sana ndi cakuti amazwi yane yangiusiwa, nu kulembwa umu lupapulo.

Masamu 9:6

Anisi yatiyapongelela umwi lovyo lya muyayaya. Watuwisya imisumba yao na mazina yao yatiyalowa.

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 17:13

Mu musango kwene uu Yoswa acimvya aina Amaleke.

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 32:33

Lyene Yawe aasuka Mose ati, “Suka sile wiyo wino wacita iifyo kunondi, awino ningafuta izina lyakwe mu lupapulo lwane.

Kufuma 34:27

Yawe anena Mose ati, “Lemba amazwi kwene yaa, pamulandu wakuti kulondela amazwi kwene yaa, kuli kucita upangano pakasi kane nawe nga na ina Izlaeli yonsi.”

Mapinda 10:7

Umuntu musuma auze yalamwiusya wa upolelelo, lelo umuntu mwipe alililika zuwa.

Yelemiya 30:2

Yawe, Leza wa ina Izlaeli wavwanga wati, “Lemba amazwi yonsi yano nkunenyile umu lupapulo.

Yelemiya 36:2

“Toola amapepala, ulembepo amazwi yonsi yano nkunenyile pamulandu wakwe Yelusalemu, aina Yuda ni mitundu yonsi. Ulembe sile vino nakunena, kutandikila sile pa wanda uno natandikile kulanda nawe, mu manda yakwe Yosiya kufika na pa wanda wilelo.

Mpendwa 24:20

Alino mu cilolwa Balamu alola aina Amaleke nga asema usemo uu: “Amaleke wali uluko lwa maka ukuluta inko zyonsi, Lelo ukumpelelekezyo alononeka.”

Mpendwa 33:2

Cila kukatuka Mose walembanga incende ino yafuma kweneko, wakwe vino Yawe wamupeezile ilamulo.

Malango 31:9

Acino Mose alemba isunde lii lyakwe Leza nga alipeela kuli yasimapepo aina Levi, yao asendanga Mbokosi ya Upangano yakwe Yawe, nu ku ntunguluzi zyonsi zya ina Izlaeli.

Yoswa 4:7

lyene muce muyanene ukuti amanzi amu Luzi lwa Yodani yatile ukupita lino Mbokosi ya Upangano yakwe Yawe yalamvile. Amawe ya yamayanga iciusizyo cakwe cii ku ina Izlaeli amanda pe.”

1 Samueli 15:18

Aliwe kwene uwakutumile nu kukukonkomezya ati, ‘Pitanga ukonone antu yalya aipe, aina Amaleke. Ukayalwisye nu kuyakoma yonsi pyu uyalovye.’

1 Samueli 30:1

Davidi na antu yakwe yaile iyafika ku Zikilagi pa wanda uwalenga yatatu. Pa nsita ilya walanga aina Amaleke yatiyazanza incende ya Negebu nu musumba wa Zikilagi. Yene yosile umusumba wa Zikilagi nu

1 Samueli 30:17

Uwanda uwalondelela, lino sile kwandatuka, Davidi ayazanza alwa nayo mpaka ilanzi iliwa. Kusi nanti umwi uwapuswike, suka sile alumendo imyanda ini akwezile pa ngamila nu kupuuka.