Kufuma 16:8 - Amazwi Yakwe Leza 2013

⁸ Lyene Mose atwalilila kuvwanga ati, “Yawe ali wino alamupeela inyama zyakulya cila manguzi nu kumupeela umukate uvule cila katondo pano Yawe atauvwa kuilizyanya kwinu kunoli. Nga naswe sweswe yaweni? Lino mukuilizyanya kuli sweswe ala mutakucita cico kunotuli, lelo akuli Yawe.”

Kufuma 16:8 ပူးပေါင်းရင်းမြစ်များ

Kufuma 16:12

“Natinuvwa kuilizyanya kwa ina Izlaeli. Yanene ukuti lino ilanzi lyatilyawa yamapokelela inyama zyakulya, nga na katondo yalapokelela umukate wakulya iikute. Lyene yalamanya ukuti Nene, ne Yawe, nene indi Leza wao.”

Kufuma 16:9

Mose anena Aaloni ati, “Nena iuvi lyonsi lya ina Izlaeli ilyati likongana, kuti lipalamile kuli Yawe, pamulandu wakuti Yawe watauvwa kuilizyanya kwao.”

Kufuma 17:2

Caleka yailizyanya kuli Mose yati, “Tupele amanzi yakumwa.” Mose avwanga ati, “Uzye pacani cino mukuilizyanya? Uzye pacani cino mukwezya Yawe?”

Ezaya 32:6

Pano iciwelewele ca muntu cikalanda ivyauwelewele, nu kwelenganya ukucita ivintu viipe. Ivintu vino cikacita na vino cikaelenganya, vyonsi ivyakusaalula sile Leza. Nupya citange citale cipeele ali ni nzala icakulya nanti amanzi kuli yayo ali nu lusala, awe.

Ezaya 37:29

Icaleka pano wemo wansokela, nu kuyuvwila nayuvwila nenga, kuno icilumba cako caticikutwala, ali cino nani namatala nkupezye. Namakutunga umu mpuno nu mukanwa, alino nkakupisye nu umu nzila kwene ino wemo wizile mwenemo, nkuwezezye nakuno wafumile.”

Mpendwa 11:18

Lyene kanene antu yonsi uti, ‘Iteyanyini ku kuisangulula uwanda wa mutondo. Ali lino mulalya inyama, pasi pano mwatimuilizyanya kuli Yawe, nga nawe watauvwa kuno mukulila ulanda ulanda ala mukuvwanga ukuti cange cizipe umwi amupeela inyama mulye! Nu kuti mu Eguputo mwene mwasansamukanga! Fwandi acino Yawe amamupeela inyama, mumalya.

Mpendwa 14:27

“Uzye iumba lii ilipe, lilata lilaci ukuilizyanya pali nene? Natinuvwa ukuilizyanya kwa ina Izlaeli pali nene.

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Mateo 10:40

“Wino wensi uwamuzengela, ala wanzengela. Na wino wensi uwanzengela, ala wazengela wino uwantuma.

Mateo 9:4

Lino Yesu wamanya vino yakwelenganya mu myenzo yao ayauzya ati, “Uzye pacani mukwelenganya viipe mu myenzo inu?

Luka 10:16

Yesu anena alondezi yakwe makumi cinimbali na yaili ati, “Wino akamuvwila, akauvwila nene. Lelo wino uwamukana, ala wakana nene. Caleka wino uwankana, ala wakana uwantuma.”

Yoane 13:20

Cumi namunena vino wino wensi akunzengela, ala wazengela wino uwantuma.”

Loma 13:2

Acino wino wensi uwatalamila uteko ulipo ala watalamila vino Leza wacita. Na wensi uwautalamila ala akuiletelela kupingulwa.

1 Kolinto 10:10

Tutalinzile kuilizyanya, ndi vino yamwi munoyali yacisile nga pacisila yononwa nu mungeli wa mfwa.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.

1 Samueli 8:7

Nawe Yawe amunena ati, “Uvwikisye ningo vyonsi vino antu yakukunena. Asi awewe yakanyile ukuya umwene wao, lelo anene nemuno yatiyakana ukuya umwene wao.