18 We, Yawe wewe mwene amanda pe.”
Nga Abulaamu alema umuti wa tamalisiki pa Belisyeba, nu kupepa Yawe Leza, wape nape.
Yawe ali kateeka wa pee na pee. Yayo akapepa tuleza tuze yalalowa umu mpanga yakwe.
Yawe aliwe akateeka umuyayaya. A Leza wako, we Zioni, wino alateeka insita zyonsi.
Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.
Amaputwila imilandu yonsi nu wololoke, nu kuputwila imitundu imilandu umu ulungami.
Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.
“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.
Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.
Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.
Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”
Utaleka tuponele mukweziwa kukome lelo ututuule ku Mwipe wilya.’
Yawe wizile aya umwene wa antu yakwe aina Izlaeli lino imitundu yao kumwi ni ntunguluzi zyao zyakongine pamwi.
