Kufuma 15:1 - Amazwi Yakwe Leza 2013

¹ Lyene Mose na ina Izlaeli yimbila lwimbo lu kuli Yawe yati, “Kanimbile lwimbo kuli Yawe, pamulandu wakuti watacimvya mu lulumbi, imfwalasi na antu akwezilepo watayavwintila muli yemba.

Kufuma 15:1 ပူးပေါင်းရင်းမြစ်များ

Neemiya 9:11

Wapaalwile yemba apa manso yao. Lyene uyatungulula yapita apakasi na nkasi apuume ndi. Lelo anisi yao ayalondelile yene wayasumba umwi ziya, wi we lino yavwintila umu luzi lwa mukuku.

Yobo 36:24

Wemo ule wiusye sile ukwika amano mukulumbanya imilimo yakwe Leza ndi vino antu yakalumbanya umu nyimbo.

Masamu 105:43

Avino wafumizye antu yakwe ala yatiyasansamuka, asololwe yakwe ala yakumila nu tupundu.

Masamu 106:12

Alino lyene yazumila amazwi yakwe, yamaimba na malumbo yakwe.

Masamu 107:15

Kayale yalukulumbanya Yawe, apa kutemwa kwakwe ukwa pe na pa milimo yakwe iyakuzunguka ino wacitila ana ya antu!

Masamu 107:8

Kayale yalumbanya Yawe apa kutemwa kwakwe ukwa pe, nga na pavizungusyo vino akacitila ana ya antu.

Masamu 32:7

Awewe uli cele lyane, awewe ukancingilila umu ntazi. Nemo awewe nkaimbila inyimbo zya ufyusi, pano ukancingilila.

Masamu 76:6

Walanga sile lino wayoofya, we Leza wakwe Yakobo, awe mukwai imfwalasi zyao kumwi nayano yakwezilepo iyafwa.

Masamu 76:7

Wemo, ala antu pasi pakoopa wewe, yakakoopa wakwe cimwi! Aweni fwandi angazyansya kunuli ndi cakuti wakalipa?

Kufuma 14:26

Yawe anena Mose ati, “Konzolola ikasa lyako usonte intuwa yako pali yemba, pakuti amanzi yaswilile nu kulenga kuti aina Eguputo ali mu maceleta, na ali pa mfwalasi, na ali pansi yonsi yamwele.”

Kufuma 14:27

Caleka Mose akonzolola ikasa lyakwe pali yemba. Lino ilanzi lyatunka yemba aswilila vino wali. Aina Eguputo yezya kuti yapuuke amanzi, lelo Yawe aleka yaswilila muli yemba pakasi.

Kufuma 15:21

Nga Milyamu aimbila lwimbo kunoyali ati, “Imbini kuli Yawe, pamulandu wakuti watacimvya ulwi, watasumbila imfwalasi na antu akwezilepo muli yemba.”

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Mapinda 29:6

Umuntu umwipe walyata ingazo zyakwe apa nkose zyakwe. Lelo wiyo akacita vyaololoke wene akaya ni nsansa zitupu nu untungwa.

Ezaya 42:10

Imbilini Yawe ulwimbo ulupya. Mulumbanyini mwemuno mwikala umu nsi yonsi ya pansi! Mulumbanyini mwe viumbwa vyonsi vyamuli yemba. Imbilini mwe mpanga zya kutali na yonsi aikala kweneko.

Yelemiya 51:21

kuti nonone imfwalasi na akapitapo, kuti nonone amaceleta na yano yakwelangapo,

Oseya 2:17

Ndamulesya kuti atakatale aezye ukulumbula amazina yakwe Tubaali nupya. Endi, antu yatalatala yame apa mazina yayo.

Habakuku 3:18

Lelo nemo namazangila muli Yawe, namakwatanga insansa pamulandu wakuti Leza a Katuula wane.

Mpendwa 21:17

Ali lino aina Izlaeli yimvile ulwimbo ulwakuti, “Tufukoka mwe, fukokini! Twamwimbilila pa kufukoka,

Kolose 2:15

Pa lupanda apano Klistu wacimvizye mipasi yankota na maka onsi. Wene walenzile kuti yonsi yalole vino wazevizye ucimvyo nu kuleka kuti yene yaye wa azya kunoli.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!