Kufuma 14:8 - Amazwi Yakwe Leza 2013

⁸ Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.

Kufuma 14:8 ပူးပေါင်းရင်းမြစ်များ

Masamu 105:43

Avino wafumizye antu yakwe ala yatiyasansamuka, asololwe yakwe ala yakumila nu tupundu.

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

Kufuma 10:27

Lelo Yawe alenga Falao ukukoma umwenzo cakuti nupya kwene akanya aina Izlaeli kuti yapite.

Kufuma 13:16

Lutambi lu lulaya wa ciusizyo kunotuli, lulaya wa cimanyililo icanyepelelwa ku makasa itu nanti icanyepelelwa pa mpumi zitu wa mupango, cakutwiusya ukuti Yawe watufumizye mu Eguputo ku maka yakwe akulu.”

Kufuma 13:18

Lelo Leza alenga antu kuti yazinguluke ku museo uwapita ku lwanga ukuya kuli Yemba Muyenzu. Aina Izlaeli yali aipangasye pa kufuma mu Eguputo.

Kufuma 13:9

Lutambi kwene lu lulaya wa cimanyililo cino canyepelelwa kwi kasa nanti wa ciusizyo icanyepelelwa pa mpumi zinu wa mupango. Mu musango kwene uu mulasunda yauze vyamu usambilizyo wakwe Yawe, pano aliwe wamufumizye mu Eguputo ku maka yakwe akulu.

Kufuma 14:17

Ndalenga aina Eguputo kuti yakome imyenzo cuze cakuti yalalondelela aina Izlaeli. Lulumbi lulapelwa kunondi pakucimvya Falao ni vita vyakwe vyamu maceleta kumwi ni vya pa mfwalasi.

Kufuma 14:4

Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 14:7

Atoola maceleta yakwe yonsi amu Eguputo, pamwi na maceleta imyanda mutanda yano yali ampomvu. Cila celeta lyakweti musika wino wangalilanga celeta lilyo.

Kufuma 15:9

Umwanisi wako aisomba ati, ‘Namayalondelela lunkwalunkwa nu kuyalema. Namaankanya icuma cao, nu kutoola vyonsi vino nkulonda. Namasomola lupanga lwane nu kusenda vyonsi vino yakwata,’

Kufuma 4:21

Nupya kwene Yawe anena Mose ati, “Ndakai lino ukuswilila ku Eguputo, ukasininkizye ukuti wacita pa manso yakwe Falao vizungusyo vyonsi vino nakupeela maka kuti ucite. Lelo ndalenga kuti Falao akome umwenzo nupya atalaleka antu yapite.

Kufuma 6:1

Lelo Yawe aasuka Mose ati, “Ndakai umalola vino namacita kuli Falao. Namamupatikizya ate antu yane yapite. Endi namamupatikizya kuti ayafumye mu mpanga yakwe.”

Kufuma 9:12

Lelo Yawe alenga Falao kuti akome umwenzo, wakwe vino Yawe wavwanzile ukuti, Falao ataluvwa ku mazwi yakwe Mose na Aloni.

Nyimbo zya ndosya 3:65

Si leka sile imyenzo yao ikome ndi, uyatipwile nu kuyatipwila!

Aina Levi 26:13

Nene indi Yawe Leza winu wino wamufumizye mu mpanga ya Eguputo, pakuti nupya mutaya azya. Nalenzile kuti muzule ikoli lino mwazwite nu kuleka kuti mwapita mutongomwile insingo.”

Mpendwa 33:3

Aina Izlaeli iyatenuka ukufuma ku Lamesesi pa wanda uwalenga ikumi na yasano uwa mwezi wakutandika, uwanda uwalondelilepo uwanda wa Cimulo ca Ucilo ica kutandika. Yafumile nu kupama ala aina Eguputo yakulola na manso yao ntontonto,

Milimo 13:17

“Leza wa ina Izlaeli wasolwile vikolwe vitu, nga aleka antu itu yaya luko lukulu lino yali atandazi mu mpanga ya Eguputo. Lyene Leza ayafumya na maka mu Eguputo

Malango 26:8

Acino Yawe ali pakutufumya mu mpanga ya Eguputo ku maka yakwe nu ku nzyansyo zyakwe. Wene wacisile ivinjelengwe ni vizungusyo, nga nu kucita ivintu ivyakoofya.

Malango 32:27

Lelo nsilonda ukuti anisi yao yace yayuvwa yati, ali yano yacimvizye antu yane, kwati asi anene nemwisikulu natinjafulula.’

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.

Yakapingula 4:7

Nane ndaleta Sisela, musika mukalamba uwa vita vyakwe Yabini, kuti aize alwe nawe pa Luzi lwa Kisyoni. Wene alaomvya amaceleta na asilika yakwe, nga lelo mulamucimvya.’ ”