Kufuma 14:4 - Amazwi Yakwe Leza 2013

⁴ Ndalenga Falao kuti akome umwenzo, nupya alamulondelela kuti aezye kumulema. Lelo vino ndacita kunoli nu ku vita vyakwe, vilalenga kuti antu yancindike. Lyene aina Eguputo yalamanya ukuti nene indi Yawe.” Aina Izlaeli iyayela amazwi yakwe Yawe nga yaya yakuula insakwe kuno wayanenyile.

Kufuma 14:4 ပူးပေါင်းရင်းမြစ်များ

Neemiya 9:10

Lyene wemo ali pakucita ivinjelengwe ni vizungusyo, ivyakulwisya Falao, aomvi yakwe pamwi na antu yonsi amu mpanga yakwe, pamulandu wa ukakasi uno yayacitile. Wemo waicitile ululumbi lwako luno ucikweti na pilelo kwene.

Kufuma 10:2

Nkulonda mwalondolwela ana inu na aizikulu inu pa vizungusyo vii nu kuti mwayalondolwela vino nalenzile aina Eguputo kuti yaloleke atumpe. Lyene mwensi mulamanya ukuti Nene indi Yawe.’ ”

Kufuma 10:27

Lelo Yawe alenga Falao ukukoma umwenzo cakuti nupya kwene akanya aina Izlaeli kuti yapite.

Kufuma 12:28

Lyene aina Izlaeli yaya yacita wakwe vino Yawe wapeezile ilamulo kuli Mose na Aaloni kuti yacite.

Kufuma 14:23

Ivita ivya ina Eguputo vyonsi ivyali mu maceleta na pa mfwalasi vilondelela aina Izlaeli lunkwalunkwa muli yemba pakasi.

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Kufuma 14:3

Falao wilya alelenganya ukuti aina Izlaeli yakululumba sile mu mpanga nupya ulwanga lwatilulenga kuti yataya ku ufumondaka.

Kufuma 14:5

Lino umwene waku Eguputo uvwa ukuti aina Izlaeli yatiyapuuka, Falao pamwi na yacilolo yakwe yasenula amano yavwanga yati, “Uzye vino twacita asi kuli kutumpa? Twaleka aina Izlaeli yapuuka, na azya yaa tutalatala tuyalole nupya!”

Kufuma 14:8

Yawe aleka Falao umwene waku Eguputo kuti akome umwenzo, cakuti alondelela aina Izlaeli lunkwalunkwa, yano afumanga mu mpanga ilya nu kupama.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kufuma 7:17

Mwene wakwisaci, ndakai Yawe wavwanga ukuti amacita icintu cimwi cino cimalanga kunuli ukuti mucumi wene ali Yawe. Silola, namauma pa luzi ni intuwa ii, na manzi yamasanguka yaye uwazi.

Kufuma 7:3

Lelo ndalenga Falao akome umwenzo cuze. Nanti angala ndacita vizungusyo vya maka vivule mu Eguputo, wene ataluvwa kunomuli.

Kufuma 7:5

Lilya lino ndaomvya maka yane panoyali nu kufumya aina Izlaeli mu Eguputo, alino aina Eguputo yalamanya ukuti Nene indi Yawe.”

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezekelo 20:9

Lelo nacindikanga izina lyane, naleka nu kuti litazewana pa manso ya mitundu muno yikalanga mwenemo. Pano nanenyile imitundu iyo inti ndafumya mutundu wane mu mpanga ya Eguputo pa manso inu.

Ezekelo 28:22

‘Yawe Simwandalali walanda wati amakufutukila, we Sidoni, amacindamila na munuli. Yalamanya ukuti nene indi Yawe, pano alakulula ndi vino wakupingila, alalanga nu ucindami wakwe munuli.

Ezekelo 32:15

Eguputo ndamusangula ulwanga, nupya ndonona impanga ilya yonsi, nga lino ndakoma yonsi aikala mwenemo alino yalamanya ukuti nene indi Yawe.

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 38:23

Ali vino nemo ndalanga antu ya mitundu yuze ukuti nene mukulu, nupya nene mucindami. Ali lino antu yalasininkizya ukuti fwandi nene, indi Yawe.”

Ezekelo 39:13

Antu yonsi amu mpanga yalayaziika, yalolelamo nu mucinzi uwanda uno ndalanga ucindami wane. Ivyalanda ne Yawe Simwandalali.

Aina Levi 10:3

Lyene Mose anena Aaloni ati, “Walola! Vii, avili vino Yawe wavwanzile lino watile, ‘Onsi yano yakuntumikila yalinzile kucindika muzilo wane. Ndasokolola ululumbi ku antu yane.’ ” Lelo Aaloni aimilila myaa!

Loma 11:8

Ndi vino calembwa mu malembelo cati, “Leza wayapile myenzo ikome cakuti kufika ni lelo yaposiwa ukulola nanti ukuuvwa.”

Loma 9:17

Pano calembwa mu malembelo ukuti, Leza wanenyile Falao ati, “Cino nakwikila pa wene, apakuti nkuomvye kuti ndange maka yane munuli, na pakuti izina lyane limanyike mu nsi yonsi.”

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Yoswa 11:20

Cali ipange lyakwe Yawe kuti antu yalya yakomye imyenzo yao yacite ulwi na ina Izlaeli, pakuti wene ayalovye yonsi pyu ukwaula uluse, wakwe vino Yawe wapeezile ilamulo kuli Mose.

Yakapingula 4:7

Nane ndaleta Sisela, musika mukalamba uwa vita vyakwe Yabini, kuti aize alwe nawe pa Luzi lwa Kisyoni. Wene alaomvya amaceleta na asilika yakwe, nga lelo mulamucimvya.’ ”